Top

കൊല്ലത്ത് കൊവിഡ് ബാധിച്ച് ചികില്‍സയിലിരുന്നയാള്‍ മരിച്ചു

കൊല്ലത്ത് കൊവിഡ് ബാധിച്ച് ചികില്‍സയിലിരുന്നയാള്‍ മരിച്ചു

കൊല്ലം: കൊല്ലത്ത് കൊവിഡ് ബാധിച്ച് ചികില്‍സയിലിരുന്ന റിട്ട. കെ.എസ്.ഇ.ബി ഉദ്യോഗസ്ഥന്‍ മരിച്ചു. വാളത്തുംഗല്‍ ആലക്കാലില്‍ സരിഗയില്‍ റിട്ട. കെ.എസ്.ഇ.ബി സീനിയര്‍ സൂപ്രണ്ട് എം. ത്യാഗരാജന്‍ (74) ആണ് മരിച്ചത്. ഇക്കഴിഞ്ഞ ആറാം തീയതി മുതല്‍ സ്വകാര്യ ആശുപത്രിയില്‍ ചികില്‍സയിലായിരുന്നു.

ചുമ, ശ്വാസതടസം എന്നിവ അനുഭവപ്പെട്ടപ്പോള്‍ സ്രവപരിശോധന നടത്തി. പരിശോധനയില്‍ കൊവിഡ് പോസിറ്റീവായതോടെ ജൂലൈ 9ന് പാരിപ്പള്ളി ഗവ. മെഡിക്കല്‍ കോളജില്‍ പ്രവേശിപ്പിക്കുകയായിരുന്നു. രോഗം കലശലായതിനെ തുടര്‍ന്ന് വെന്റിലേഷറ്ററിലേക്ക് മാറ്റിയെങ്കിലും തുടര്‍ന്നുവന്ന ഹൃദയാഘാതത്തെ അതിജീവിക്കാനായില്ല. പ്ലാസ്മ തെറാപ്പി ഉള്‍പ്പടെയുള്ള ചികില്‍സയും പരീക്ഷിച്ചിരുന്നു.

ഭാര്യ: ഹരിപ്രിയ (റിട്ട. ടീച്ചര്‍ എല്‍.പി.എസ്. ദേവി വിലാസം, കൂനമ്പായിക്കുളം). മക്കള്‍: ഷൈജു രാജ്, ഷീജ രാജ്, ഷീബ രാജ്. മരുമക്കള്‍: സിനി, ഹരി, രഞ്ജിത്ത്

Next Story

RELATED STORIES

Share it