കൊവിഡ് 19: രോഗമുക്തരുടെ എണ്ണം ചികില്‍സയിലുള്ളവരേക്കാള്‍ 1.6 ലക്ഷത്തില്‍ അധികം; രോഗമുക്തിനിരക്ക് 60.81 ശതമാനം

ന്യൂഡല്‍ഹി: കൊവിഡ് 19 രോഗമുക്തി നേടിയവരുടെ എണ്ണത്തില്‍ വര്‍ദ്ധനവ് തുടരുന്നു. സംസ്ഥാനങ്ങള്‍, കേന്ദ്ര ഭരണപ്രദേശങ്ങള്‍ എന്നിവയ്‌ക്കൊപ്പം കേന്ദ്രസര്‍ക്കാര്‍ നടത്തിയ സമയബന്ധിത പ്രവര്‍ത്തനങ്ങളുടെ ഫലമായി രാജ്യത്തെ കൊവിഡ് മുക്തരുടെ എണ്ണം ചികിത്സയിലുള്ളവരേക്കാള്‍ 1,58,793 എണ്ണം അധികമായതായി കേന്ദ്ര ആരോഗ്യവകുപ്പ് അറിയിച്ചു. രാജ്യത്തെ രോഗമുക്തി നിരക്ക് 60.81 ശതമാനമായി ഉയര്‍ന്നിട്ടുണ്ട്. കഴിഞ്ഞ 24 മണിക്കൂറിനിടെ രാജ്യത്ത് 14,335 പേരാണ് കൊവിഡ്19 രോഗമുക്തരായത്. രോഗം ഭേദമായവരുടെ ആകെ എണ്ണം 3,94,226 ആണ്. നിലവില്‍ 2,35,433 പേരാണ് ചികില്‍സയിലുള്ളത്.