കൊവിഡ് 19: അറസ്റ്റിലാകുന്നവരെ കൊണ്ടുവരാന് പ്രത്യേക കേന്ദ്രങ്ങള് തുറക്കാന് നിര്ദേശം
ജാമ്യമില്ലാത്ത വകുപ്പുകള് പ്രകാരം അറസ്റ്റിലാകുന്നവരെ കോടതിയില് ഹാജരാക്കുന്നതിനുമുന്പ് ഇനിമുതല് പോലിസ് സ്റ്റേഷനില് കൊണ്ടുവരേണ്ടതില്ല.
കോഴിക്കോട്: തിരുവനന്തപുരത്തും കണ്ണൂരും അറസ്റ്റിലായവര്ക്ക് കോവിഡ് 19 സ്ഥിരീകരിച്ച പശ്ചാത്തലത്തില് കുറ്റവാളികളെ അറസ്റ്റ് ചെയ്യുമ്പോള് പാലിക്കേണ്ട മുന്കരുതലുകള് വ്യക്തമാക്കി സംസ്ഥാന പോലിസ് മേധാവി ലോക് നാഥ് ബെഹ്റ മാര്ഗനിര്ദ്ദേശങ്ങള് പുറപ്പെടുവിച്ചു.
ജാമ്യമില്ലാത്ത വകുപ്പുകള് പ്രകാരം അറസ്റ്റിലാകുന്നവരെ കോടതിയില് ഹാജരാക്കുന്നതിനുമുന്പ് ഇനിമുതല് പോലിസ് സ്റ്റേഷനില് കൊണ്ടുവരേണ്ടതില്ല. ഇങ്ങനെ അറസ്റ്റിലാകുന്നവരെ കൊണ്ടുവരുന്നതിനുള്ള സബ് ഡിവിഷണല് ഡിറ്റെന്ഷന്-കം-പ്രൊഡക്ഷന് സെന്ററായി ഉപയോഗിക്കുന്നതിനുള്ള കെട്ടിടം ജില്ലാ പോലിസ് മേധാവിയും ഡിവൈഎസ്പിയും ചേര്ന്ന് കണ്ടെത്തണം. കെട്ടിടം കണ്ടെത്താന് കഴിയുന്നില്ലെങ്കില് ഡിവൈഎസ്പിയുടെ ഓഫിസ് ഇതിനായി ഉപയോഗിക്കും. ഡിവൈഎസ്പിക്ക് അടുത്ത പോലിസ് സ്റ്റേഷനോ വസതിയോ കേന്ദ്രമാക്കി പ്രവര്ത്തിക്കാന് അനുമതി നല്കി.
അറസ്റ്റിനുശേഷമുള്ള വൈദ്യപരിശോധനയ്ക്കുശേഷം കുറ്റവാളിയെ ഈ കേന്ദ്രത്തിലാണ് ഇനിമുതല് കൊണ്ടുവരിക. പരമാവധി കുറച്ച് പോലിസ് ഉദ്യോഗസ്ഥര് മാത്രമേ ഈ നടപടികളില് പങ്കാളികളാകൂ. ഇത്തരം കേന്ദ്രങ്ങളില് ഒരു ജനറല് ഡയറി സൂക്ഷിക്കും. ഒരു സബ് ഇന്സ്പെക്റ്ററെയും നിയോഗിക്കും.
കുറ്റവാളിക്ക് കൊവിഡ് 19 സ്ഥിരീകരിക്കുന്ന സാഹചര്യത്തില് ഈ കേന്ദ്രത്തിലെ എസ്ഐയ്ക്കും അറസ്റ്റിനും തുടര്നടപടികള്ക്കും നേതൃത്വം നല്കിയ പോലീസുകാര്ക്കും മാത്രമേ നിരീക്ഷണത്തില് പോകേണ്ടിവരൂ. അറസ്റ്റ് ചെയ്യുമ്പോള് കുറ്റവാളികളെ സ്പര്ശിക്കുന്നത് പരമാവധി ഒഴിവാക്കണമെന്നും സംസ്ഥാന പോലിസ് മേധാവി നിര്ദ്ദേശിച്ചു.
RELATED STORIES
ലോക്സഭാ തിരഞ്ഞെടുപ്പില് കേരളം നാളെ വിധിയെഴുതും;ഇന്ന് നിശബ്ദ പ്രചാരണം
25 April 2024 5:21 AM GMTഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT