കലാപമുണ്ടാക്കാനുള്ള ശ്രമങ്ങളെ ചെറുത്ത് തോല്പ്പിക്കണം; ഹരിദാസിന്റെ കൊലപാതകത്തെ അപലപിച്ച് മുഖ്യമന്ത്രി
കൊലപാതകത്തിന് പിന്നില് പ്രവര്ത്തിച്ച എല്ലാവരെയും നിയമത്തിനു മുന്നില് കൊണ്ടുവരാന് പോലിസിന് കര്ശന നിര്ദേശം നല്കി
തിരുവനന്തപുരം: തലശ്ശേരിയിലെ സിപിഎം പ്രവര്ത്തകന് ഹരിദാസിന്റെ കൊലപാതകത്തെ അപലപിച്ച് മുഖ്യമന്ത്രി പിണറായി വിജയന്. കൊലപാതകത്തിന് പിന്നില് പ്രവര്ത്തിച്ച എല്ലാവരെയും നിയമത്തിനു മുന്നില് കൊണ്ടുവരാന് പോലിസിന് കര്ശന നിര്ദേശം നല്കിയതായി മുഖ്യമന്ത്രി അറിയിച്ചു. നാട്ടില് സമാധാന അന്തരീക്ഷം തകര്ക്കാനുള്ള ആസൂത്രിത സംഭവമാണിത്. നാട്ടില് കലാപമുണ്ടാക്കാനുള്ള ഇത്തരം ശ്രമങ്ങളെ നാടൊന്നാകെ ചെറുത്തു തോല്പ്പിക്കേണ്ടതുണ്ട്. പ്രകോപനത്തില് വീഴാതെ പ്രദേശത്തെ സമാധാന അന്തരീക്ഷം നിലനിര്ത്താന് എല്ലാവരും സഹകരിക്കണമെന്നും മുഖ്യമന്ത്രി ഫേസ്ബുക്കില് കുറിച്ചു.
ഫേസ്ബുക്ക് കുറിപ്പിന്റെ പൂര്ണ രൂപം
'തലശ്ശേരി പുന്നോലില് സിപിഎം പ്രവര്ത്തകന് കൊരമ്പില് ഹരിദാസിന്റെ കൊലപാതകത്തെ ശക്തമായി അപലപിക്കുന്നു. കൊലപാതകത്തിന് പിന്നില് പ്രവര്ത്തിച്ച എല്ലാവരെയും നിയമത്തിനു മുന്നില് കൊണ്ടുവരാന് പോലിസിന് കര്ശന നിര്ദേശം നല്കിയിട്ടുണ്ട്. അന്വേഷണം മുന്നോട്ടു പോവുകയാണ്. മത്സ്യത്തൊഴിലാളിയായ ഹരിദാസ് പുലര്ച്ചെ ജോലി കഴിഞ്ഞ് തിരിച്ചെത്തിയപ്പോഴാണ് കൊലചെയ്യപ്പെട്ടത്. സമാധാന അന്തരീക്ഷം നിലനില്ക്കുന്ന പ്രദേശത്ത് അത് തകര്ക്കാന് നടത്തിയ ആസൂത്രിത സംഭവമാണിത് എന്നാണ് വ്യക്തമാകുന്നത്. നാട്ടില് കലാപമുണ്ടാക്കാനുള്ള ഇത്തരം ശ്രമങ്ങളെ നാടൊന്നാകെ ചെറുത്തു തോല്പ്പിക്കേണ്ടതുണ്ട്. പ്രകോപനത്തില് വീഴാതെ പ്രദേശത്തെ സമാധാന അന്തരീക്ഷം നിലനിര്ത്താന് എല്ലാവരും സഹകരിക്കണമെന്ന് അഭ്യര്ത്ഥിക്കുന്നു. ഹരിദാസിന്റെ കുടുംബത്തിന്റെയും ബന്ധുമിത്രാദികളുടെയും സഹപ്രവര്ത്തകരുടെയും ദുഖത്തില് പങ്കുചേരുന്നു'.
RELATED STORIES
ഇറാഖില് സ്വവര്ഗ ബന്ധം ഇനി 15 വര്ഷം വരെ തടവുശിക്ഷ ലഭിക്കാവുന്ന...
28 April 2024 10:34 AM GMTപ്രധാനമന്ത്രിയുടെ വിദ്വേഷ പ്രസംഗത്തിനെതിരായ വിമര്ശനം; ബിജെപി മുന്...
28 April 2024 10:25 AM GMTഡല്ഹി പിസിസി അധ്യക്ഷന് അരവിന്ദര് സിങ് ലവ്ലി രാജിവച്ചു
28 April 2024 7:39 AM GMTമുസ് ലിം സ്ഥാനാര്ഥിയില്ല'; പ്രചാരണസമിതിയില് നിന്ന് രാജിവച്ച്...
27 April 2024 5:52 PM GMTഅജ്മീറില് പള്ളിയില്ക്കയറി ഇമാമിനെ തല്ലിക്കൊന്നു
27 April 2024 9:54 AM GMTലൈംഗികാതിക്രമ പരാതിയില് കുറ്റക്കാരനാണെന്ന് കണ്ടെത്തിയതിനെ തുടര്ന്ന്...
27 April 2024 9:00 AM GMT