ഇന്ന് (24.12. 2019) ജലവിതരണം മുടങ്ങും

തിരുവനന്തപുരം: അരുവിക്കരയിൽനിന്ന് മൺവിള ടാങ്കിലേക്കുള്ള 900 എംഎം ശുദ്ധജല വിതരണ ലൈനിൽ അമ്പലമുക്കിനു സമീപമുണ്ടായ ചോർച്ച പരിഹരിക്കുന്നതിനായി ജലവിതരണം നിർത്തിവയ്ക്കുന്നതിനാൽ ഇന്ന് ( 24.12.2019) പോങ്ങുമൂട്, മൺവിള, ടെക്നോപാർക്ക്, ഉള്ളൂർ, ചെറുവയ്ക്കൽ, ആക്കുളം, കുളത്തൂർ, കഴക്കൂട്ടം, കാര്യവട്ടം, സിആർപിഎഫ്, പാങ്ങപ്പാറ, ശ്രീകാര്യം, കരിയം, ചാവടിമുക്ക്, ഇടവക്കോട്, പൗഡിക്കോണം, കേരളാദിത്യപുരം, നാലാഞ്ചിറ, കേശവദാസപുരം എന്നീ പ്രദേശങ്ങളിൽ കുടിവെള്ള വിതരണം മുടങ്ങുമെന്ന് വാട്ടർ അതോറിറ്റി അധികൃതർ അറിയിച്ചു.

ചോർച്ച പരിഹരിക്കുന്നതിനായി അറ്റകുറ്റപ്പണികൾക്ക് തുടക്കമായി. ഇന്ന് വൈകുന്നേരത്തോടെ അറ്റകുറ്റപ്പണികൾ പൂർത്തിയാക്കി, രാത്രിയോടെ ജല വിതരണം പുന:സ്ഥാപിക്കാൻ കഴിയുമെന്ന് വാട്ടർ അതോറിറ്റി പിഎച്ച് ഡിവിഷൻ നോർത്ത് എക്സിക്യുട്ടീവ് എൻജിനിയർ അറിയിച്ചു.