കഞ്ചാവ് വില്‍പ്പനക്കാരന്‍ അറസ്റ്റില്‍

താനൂര്‍: വൈലത്തൂരിലും പരിസര പ്രദേശങ്ങളിലും കുട്ടികള്‍ക്ക് ഉള്‍പ്പടെ കഞ്ചാവ് വില്‍പ്പന നടത്തിയ ആളെ പിടികൂടി.കഞ്ചാവ് ചെറിയ പാക്കറ്റുകളിലായി വില്‍പ്പന നടത്തുന്ന വൈലത്തൂര്‍ ബംഗ്ലാംകുന്ന് സ്വദേശിയായ ചോലക്കല്‍ തൂമ്പില്‍ അബ്ദുല്‍ ഖാദര്‍ (50) ആണ് പിടിയിലായത്. കല്‍പകഞ്ചേരി സബ്ബ് ഇന്‍സ്‌പെക്ടര്‍ പ്രദീപ് കുമാറും ഡാന്‍സാഫ് സ്‌ക്വാഡ് അംഗങ്ങളും ചേര്‍ന്നാണ് പ്രതിയെ കസ്റ്റഡിയിലെടുത്തത്. തിരൂര്‍ കോടതിയില്‍ ഹാജരാക്കി റിമാന്റ് ചെയ്തു.