കര്ഷക സമരത്തിന് പിന്തുണയുമായി ബോളിവുഡ് നടി സ്വര ഭാസ്കര് സമരപ്പന്തലില്
പ്രിയങ്ക ചോപ്ര, സോനം കപൂര്, ചിത്രാംഗദാ സിങ്, തപ്സി പന്നു, സോനു സൂദ്, ഹന്സല് മേത്ത, തുടങ്ങിയ ബോളിവുഡ് താരങ്ങളും കര്ഷക സമരത്തിന് പിന്തുണ അറിയിച്ചിട്ടുണ്ട്.
ന്യൂഡല്ഹി: കര്ഷക സമരത്തിന് പിന്തുണയുമായി ബോളിവുഡ് നടി സ്വര ഭാസ്കര്. ഡല്ഹിയിലെ സിങ്കു അതിര്ത്തിയില് നടക്കുന്ന സമരത്തില് സ്വര ഭാസ്കര് പങ്കാളിയായി. അതിന്റെ ചിത്രങ്ങള് അവര് ട്വിറ്ററില് പങ്കുവെച്ചു. പ്രതിഷേധിക്കുന്ന കര്ഷകരുടെയും പ്രായമായവരുടെയും മനോഭാവം, ദൃഢ നിശ്ചയം, എന്നിവയ്ക്ക് സാക്ഷിയായ ഒരു ദിനം എന്നാണ് ചിത്രങ്ങള് പങ്കുവെച്ച് സ്വര എഴുതിയത്. മുന്പ് പൗരത്വ ഭേദഗതി വിരുദ്ധ സമരങ്ങളിലും സ്വര ഭാസ്കര് പങ്കെടുത്തിരുന്നു.
പ്രിയങ്ക ചോപ്ര, സോനം കപൂര്, ചിത്രാംഗദാ സിങ്, തപ്സി പന്നു, സോനു സൂദ്, ഹന്സല് മേത്ത, തുടങ്ങിയ ബോളിവുഡ് താരങ്ങളും കര്ഷക സമരത്തിന് പിന്തുണ അറിയിച്ചിട്ടുണ്ട്. പഞ്ചാബി ഗായകനും നടനുമായ ദില്ജിത് കര്ഷക സമരത്തിന് പരസ്യ പിന്തുണ നല്കിയിരുന്നു. യുഎസില് നിന്നും എത്തിയ ഉടനെ നേരെ കര്ഷക സമരം നടക്കുന്ന സിങ്കു അതിര്ത്തിയിലാണ് ദില്ജിത്ത് എത്തിയത്. കിങ്സ് ഇലവന് പഞ്ചാബ് താരവും പഞ്ചാബ് രഞ്ജി ക്യാപ്റ്റനുമായ മന്ദീപ് സിങ്ങും കര്ഷകര്ക്ക് പിന്തുണ നല്കി സമരത്തില് പങ്കെടുത്തിരുന്നു. ബോക്സിങ് താരങ്ങളായ വിജേന്ദര് സിങ്, കൗര് സിങ്, ഗുര്ബക്ഷ് സിങ് സന്ധു, ജയ്പാല് സിങ് തുടങ്ങിയവരും സമരത്തെ പിന്തുണക്കുന്നവരാണ്.
RELATED STORIES
എസ്എന്സി ലാവ്ലിന് കേസ് അന്തിമവാദത്തിനായി ബുധനാഴ്ചത്തേക്ക് ലിസ്റ്റ്...
5 May 2024 1:23 PM GMTമുസ്ലിംകൾക്കെതിരെ വീണ്ടും വിദ്വേഷ വീഡിയോയുമായി ബിജെപി
5 May 2024 1:16 PM GMTജമ്മു കശ്മീരിൽ അതീവ ജാഗ്രത; പൂഞ്ചില് കൂടുതല് സൈനികരെ വിന്യസിച്ചു
5 May 2024 12:49 PM GMTരാജസ്ഥാനിൽ കാറപകടം; കുടുംബത്തിലെ ആറ് പേർക്ക് ദാരുണാന്ത്യം, രണ്ട്...
5 May 2024 12:43 PM GMTമധ്യപ്രദേശില് മണല് മാഫിയ പോലിസുകാരനെ ട്രാക്ടര് കയറ്റിക്കൊന്നു
5 May 2024 12:41 PM GMTകൊല്ക്കത്തയില് മോഹന് ബഗാന് വീണു; ഐഎസ്എല് കിരീടം മുംബൈ...
4 May 2024 4:46 PM GMT