കാലിക്കറ്റ് പ്രസ് ക്ലബ്ബ് തെരുവത്ത് രാമന്‍ അവാര്‍ഡ് എ ടി മന്‍സൂറിന്

കോഴിക്കോട്: പത്രങ്ങളുടെ മികച്ച ഒന്നാം പേജ് രൂപകല്‍പ്പനയ്ക്ക് കാലിക്കറ്റ് പ്രസ് ക്ലബ്ബ് ഏര്‍പ്പെടുത്തിയ തെരുവത്ത് രാമന്‍ പുരസ്‌കാരത്തിന് മാധ്യമം ദിനപത്രത്തിന്റെ ചീഫ് സബ് എഡിറ്റര്‍ എ ടി മന്‍സൂര്‍ അര്‍ഹനായി. 2018 ജൂലൈ 11ലെ മാധ്യമം ദിനപത്രത്തിലെ ഒന്നാം പേജാണ് അവാര്‍ഡിന് തിരഞ്ഞെടുക്കപ്പെട്ടത്. 10,000 രൂപയും പ്രശസ്തി പത്രവും അടങ്ങുന്നതാണ് പുരസ്‌കാരം.

ഇന്‍സ്റ്റിറ്റിയൂട്ട് ഓഫ് കമ്മ്യൂണിക്കേഷന്‍ ആന്റ് ജേണലിസം ഡയറക്ടര്‍ വി ഇ ബാലകൃഷ്ണന്‍, മുതിര്‍ന്ന മാധ്യമ പ്രവര്‍ത്തകരായ ഇ എന്‍ ജയറാം, കെ നീനി എന്നിവരടങ്ങിയ ജൂറിയാണ് ജേതാവിനെ തിരഞ്ഞെടുത്തത്. കണ്ണൂര്‍ പാപ്പിനിശ്ശേരി ദാറുല്‍ ഹിദായയില്‍ എ ടി റാബിയയുടെയും പരേതനായ പി റമദാന്‍ കുട്ടിയുടേയും മകനാണ്. വി പി സഹനയാണ് ഭാര്യ. മക്കള്‍: ആയിശ. ആമിന, ആലിയ