രാഹുല്‍ മാങ്കൂട്ടത്തിലിനെതിരെ വീണ്ടും ബലാല്‍സംഗ പരാതി

തിരുവനന്തപുരം: കോണ്‍ഗ്രസ് എംഎല്‍എ രാഹുല്‍ മാങ്കൂട്ടത്തിലിനെതിരെ വീണ്ടും ബലാല്‍സംഗ പരാതി. ഹോട്ടല്‍ മുറിയില്‍ കൊണ്ടുപോയി രാഹുല്‍ ക്രൂര പീഡനത്തിനിരയാക്കിയെന്നാണ് വെളിപ്പെടുത്തല്‍. ബംഗളൂരു സ്വദേശിയായ ഇരുപത്തിമൂന്നുകാരി കോണ്‍ഗ്രസ് നേതൃത്വത്തിന് പരാതി നല്‍കിയെന്നാണ് വിവരം. വിവാഹ വാഗ്ദാനം നല്‍കി പീഡിപ്പിച്ചെന്നാണ് പരാതി.

ഗര്‍ഭിണിയാകണമെന്ന് രാഹുല്‍ തന്നോടും ആവശ്യപ്പെട്ടെന്ന് പെണ്‍കുട്ടി പറയുന്നു. ആദ്യ ആക്രമണത്തിന് ശേഷം രാഹുല്‍ വിവാഹ വാഗ്ദാനം പിന്‍വലിക്കുകയായിരുന്നെന്നും പരാതിയില്‍ പറയുന്നു. ഹോട്ടല്‍മുറിയില്‍വച്ച് രാഹുല്‍ ക്രൂരമായി ആക്രമിച്ച് ശരീരമാകെ മുറിവേല്‍പ്പിച്ചതായും പരാതിയിലുണ്ട്.

അതേസമയം,നേരത്തേ എടുത്ത ബലാല്‍സംഗക്കേസില്‍ രാഹുലിനെതിരെ തെളിവുകളുണ്ടെന്നാണ് റിപോര്‍ട്ട്. രാഹുല്‍ യുവതിയെ ബലാല്‍സംഗത്തിനിടെ ഉപദ്രവിച്ചതിന് ഫോട്ടോകളടക്കം തെളിവുണ്ട്. ഗര്‍ഭിണിയാകാന്‍ നിര്‍ബന്ധിച്ചത് രാഹുലാണെന്നും പോലിസ് കണ്ടെത്തി. ഗര്‍ഭഛിദ്രത്തിന് തെളിവായത് മെഡിക്കല്‍ രേഖകള്‍. രാഹുല്‍ തെളിവുകള്‍ അട്ടിമറിക്കാന്‍ ശ്രമിക്കുകയാണെന്ന് അന്വേഷണസംഘം പറഞ്ഞു.

രാഹുല്‍ മാങ്കൂട്ടത്തില്‍ തമിഴ്നാട്ടിലെന്നാണ് സൂചന. രാഹുല്‍ കോയമ്പത്തൂരിലും പൊള്ളാച്ചിയിലും രാഹുല്‍ എത്തിച്ചേര്‍ന്നതായി സൂചനയുണ്ട്. പുതിയ ഫോണും സിം നമ്പറും ഉപയോഗിച്ചാണ് രാഹുല്‍ ഒളിവില്‍ കഴിയുന്നത്. വ്യാഴാഴ്ച യുവതി മുഖ്യമന്ത്രിക്ക് പരാതി നല്‍കിയതിന് ശേഷം വൈകിട്ട് 5 മണിയോടെയാണ് രാഹുല്‍ എംഎല്‍എ ഓഫീസില്‍നിന്ന് പോയത്. എന്നാല്‍ തമിഴിനാട്ടില്‍ നിന്ന് കര്‍ണാടകയിലേക്ക് കടന്നെന്ന തരത്തിലുള്ള റിപോര്‍ട്ടുകളും വരുന്നുണ്ട്.