ഭാര്യക്കും മകള്ക്കും നേരെ മദ്യപാനിയുടെ ആസിഡ് ആക്രമണം; രണ്ടുപേരും ഗുരുതരാവസ്ഥയില്
ഗുരുതരമായി പരിക്കേറ്റ രജിയെയും ആദ്യത്യയെയും തിരുവനന്തപുരം മെഡിക്കല് കോളജ് ആശുപത്രിയില് പ്രവേശിപ്പിച്ചു.
കൊല്ലം: മദ്യപിച്ച് നിരന്തരമായി മര്ദിക്കുന്നതിനെതിരേ പൊലീസില് പരാതി നല്കിയ വിരോധത്താല് യുവാവ് ഭാര്യയുടെയും മകളുടെയും മേല് ആസിഡൊഴിച്ചു. സമീപവാസികളും ബന്ധുക്കളുമായ മൂന്ന് കുട്ടികള്ക്കും ആസിഡ് വീണ് പൊള്ളലേറ്റു. കൊല്ലം കൊട്ടിയത്താണ് സംഭവം.
വാളത്തുംഗല് സഹൃദയ ക്ലബ്ബിന് സമീപം മംഗാരത്ത് കിഴക്കതില് രജി, മകള് ആദിത്യ (14), സമീപത്തെ കുട്ടികളായ പ്രവീണ, നിരഞ്ജന എന്നിവര്ക്കാണ് രജിയുടെ ഭര്ത്താവ് ജയന്റെ ആസിഡ് ആക്രമണത്തില് പൊള്ളലേറ്റത്. ഗുരുതരമായി പരിക്കേറ്റ രജിയെയും ആദ്യത്യയെയും തിരുവനന്തപുരം മെഡിക്കല് കോളജ് ആശുപത്രിയില് പ്രവേശിപ്പിച്ചു.
സ്ഥിരം മദ്യപാനിയായ ജയന് ഭാര്യയെയും മക്കളെയും പതിവായി മര്ദിക്കാറുണ്ടെന്ന് പോലീസ് പറഞ്ഞു. ചൊവ്വാഴ്ച വൈകിട്ടും ഇയാള് ഭാര്യയെ മര്ദിക്കുകയും വീട്ടു സാധനങ്ങള് തകര്ക്കുകയും ചെയ്തു. ഇതോടെ രജി ഇരവിപുരം സ്റ്റേഷനില് പരാതി നല്കി. പൊലീസെത്തി തിരച്ചില്നടത്തിയെങ്കിലും ജയനെ കണ്ടെത്താനായില്ല. പൊലീസ് മടങ്ങിയശേഷം വീട്ടിലെത്തിയ ജയന് എത്തി കൈയില് കരുതിയിരുന്ന ആസിഡ് ഭാര്യയുടെയും മകളുടെയും ഒപ്പമുണ്ടായിരുന്ന കുട്ടികളുടെയും മുഖത്തും ദേഹത്തും ഒഴിക്കുകയായിരുന്നു. ഒളിവില് പോയ ജയനെ പിടികൂടാന് പോലീസ് തിരച്ചില് ആരംഭിച്ചിട്ടുണ്ട്.
RELATED STORIES
മഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMTകെ കെ ശൈലജക്കെതിരെ സമൂഹമാധ്യമത്തില് അശ്ലീല കമന്റിട്ട...
19 April 2024 10:47 AM GMTകാട്ടുമാടം മനയിൽ നിന്ന് പുരാതന വിഗ്രഹങ്ങളും സ്വര്ണാഭരണങ്ങളും കവര്ന്ന ...
19 April 2024 10:46 AM GMTരാഹുല് ഗാന്ധിക്കെതിരെ പരിഹാസ പരാമര്ശവുമായി മുഖ്യമന്ത്രി പിണറായി...
19 April 2024 10:44 AM GMTകെകെ ശൈലജക്കെതിരെ സൈബര് ആക്രമണം നടന്നിട്ടുണ്ടെങ്കില് അത് തെറ്റാണ്: ...
19 April 2024 10:43 AM GMT