താന് അഭിനയിച്ച ചില സിനിമകളിലെ ഇസ്ലാമോഫോബിയ തിരിച്ചറിയുന്നു; അതില് ഖേദിക്കുന്നുവെന്നും നടി പാര്വ്വതി തിരുവോത്ത്
എല്ലാ സ്വത്വങ്ങളെയും ഉള്ക്കൊള്ളാനാവുന്നവര്ക്കെ ഫാഷിസത്തിനെതിരേ പോരാടാനാകൂ. എല്ലാതരം സ്വത്വങ്ങളെയും കേള്ക്കാനും താദാത്മ്യപ്പെടാനും സാധിക്കണം-പാര്വ്വതി പറഞ്ഞു
കോഴിക്കോട്: താന് അഭിനയിച്ച ചില സിനിമകളിലെ ഇസ്ലാമോ ഫോബിയ ഇപ്പോള് തിരിച്ചറിയുന്നുവെന്നും അതില് ഖേദിക്കുന്നുവെന്നും നടി പാര്വ്വതി തിരുവോത്ത്. പലതും പഠിച്ച് വരികയാണ്. ഇനിയുള്ളതില് കൂടുതല് ശ്രദ്ധിക്കുമെന്നും അവര് വ്യക്തമാക്കി.
പൗരത്വ ഭേദഗതി നിയമവും പൗരത്വ പട്ടികയും നടപ്പിലാക്കുന്നതില് പ്രതിഷേധിച്ച് ആനക്കുളം സാംസ്കാരിക കേന്ദ്രത്തില് വംശഹത്യ പ്രമേയമാക്കിയുള്ള സിനിമകള് ഉള്കൊള്ളിച്ച് സംഘടിപ്പിച്ച 'വാച്ച് ഔട്ട് അഖില ഭാരതീയ ആന്റി നാസി' ചലച്ചിത്രമേളയില് മുഖാമുഖം പരിപാടിയില് സംസാരിക്കുകയായിരുന്നു പാര്വ്വതി..
എല്ലാ സ്വത്വങ്ങളെയും ഉള്ക്കൊള്ളാനാവുന്നവര്ക്കെ ഫാഷിസത്തിനെതിരേ പോരാടാനാകൂ. എല്ലാതരം സ്വത്വങ്ങളെയും കേള്ക്കാനും താദാത്മ്യപ്പെടാനും സാധിക്കണം. അവര്ക്ക് മാത്രമേ ഫാഷിസത്തിനും വംശഹത്യക്കുമെതിരായ സമരങ്ങളെ വികസിപ്പിക്കാന് സാധിക്കുകയുള്ളൂ. താന് അഭിനയിച്ച സിനിമകളിലെ സ്ത്രീ-ദലിത്-കീഴാള-മുസ്ലിം-ട്രാന്സ് രാഷ്ട്രീയ ശക്തികളുടെ സംഘര്ഷങ്ങളെപ്പറ്റി ഇപ്പോള് ബോധവതിയാണ്. തുറന്ന മനസോടെയും ഉത്തരവാദിത്ത ബോധത്തോടെയും സിനിമയെ സമീപിക്കും. കഴിഞ്ഞ സിനിമകളിലെ പല പ്രതിനിധാനങ്ങളെയും കുറിച്ചുള്ള പ്രശ്നങ്ങളെ പിന്നീട് തിരിച്ചറിയാന് കഴിഞ്ഞെന്നും പാര്വ്വതി പറഞ്ഞു.
സംവിധായികയും നടിയുമായ നന്ദിതാ ദാസ് മുഖ്യാതിഥിയായി. സംവിധായകരായ മുഹ്സിന് പരാരി, ഹര്ഷദ്, സക്കരിയ, ഫഹീം ഇര്ഷാദ്, മാധ്യമ പ്രവര്ത്തകന് കെ എ സലീം, ഗവേഷകന് ഡോ. കെ അഷ്റഫ് സംസാരിച്ചു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT