നടിയെ ആക്രമിച്ച കേസ്: ആറു പ്രതികളെയും വിയ്യൂര് സെന്ട്രല് ജയിലിലെത്തിച്ചു, ശിക്ഷാവിധി വെളളിയാഴ്ച
തൃശൂര്: നടിയെ ആക്രമിച്ച കേസില് കോടതി ശിക്ഷിച്ച പ്രതികളെ വിയ്യൂര് സെന്ട്രല് ജയിലിലെത്തിച്ചു. ഒന്ന് മുതല് ആറുവരെയുള്ള പ്രതികള് കുറ്റക്കാരാണെന്നാണ് കോടതി വിധിച്ചത്. കേസില് എട്ടാം പ്രതി ദിലീപ് കുറ്റവിമുക്തനെന്നാണ് കോടതി വിധി. ഒന്നാം പ്രതി സുനില് കുമാര് എന്ന പള്സര് സുനി, രണ്ടാം പ്രതി മാര്ട്ടിന് ആന്റണി, മൂന്നാം പ്രതി മണികണ്ഠന്, നാലാം പ്രതി വിജീഷ്, അഞ്ചാം പ്രതി സലിം എന്ന വടിവാള് സലിം, ആറാം പ്രതി പ്രദീപ് എന്നിവരാണ് കുറ്റക്കാരെന്ന് കോടതി കണ്ടെത്തി. ഇവര്ക്കുള്ള ശിക്ഷ ഈ മാസം 12ന് വിധിക്കും. ദിലീപ് ഉള്പ്പടെ നാലു പ്രതികളെ വെറുതെവിട്ടു.
എറണാകുളം പ്രിന്സിപ്പല് സെഷന്സ് കോടതി ജഡ്ജി ഹണി എം വര്ഗീസാണ് വിധി പറഞ്ഞത്. കുറ്റകൃത്യത്തിന്റെ ഗൂഢാലോചനയില് നടന് ദിലീപിന് പങ്കുണ്ടെന്ന വാദം തെളിയിക്കാന് പ്രോസിക്യൂഷന് കഴിഞ്ഞിട്ടില്ലെന്ന് കോടതി വ്യക്തമാക്കി. ഒന്നു മുതല് ആറു വരെയുള്ള പ്രതികള്ക്കെതിരേ ചുമത്തിയ കൂട്ട ബലാല്സംഗം ഉള്പ്പടെ പ്രധാന കുറ്റങ്ങളെല്ലാം തെളിഞ്ഞു. ഇവരുടെ ജാമ്യം റദ്ദാക്കി. പ്രതികളെ ഒളിവില് താമസിപ്പിച്ചെന്ന കുറ്റം ചുമത്തപ്പെട്ട ഏഴാം പ്രതി ചാര്ലി തോമസ്. പ്രതികളെ ജയിലില് സഹായിച്ചെന്ന കുറ്റം ചുമത്തപ്പെട്ട ഒന്പതാം പ്രതി സനില് കുമാര്, തെളിവ് നശിപ്പിക്കല് കുറ്റം ചുമത്തപ്പെട്ട പത്താം പ്രതി ശരത് ജി നായര് എന്നിവരാണ് ദിലീപിനൊപ്പം കുറ്റവിമുക്തരാക്കപ്പെട്ടവര്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
