മലപ്പുറം കിഴക്കെതലയില്‍ റോഡ് മുറിച്ചുകടക്കുന്നതിനിടെ വാഹനമിടിച്ച് കൊടിഞ്ഞി സ്വദേശിനി മരിച്ചു

മലപ്പുറം: കിഴക്കെതലയില്‍ റോഡ് മുറിച്ചുകടക്കുന്നതിനിടെ വാഹനമിടിച്ച് പരിക്കേറ്റ കൊടിഞ്ഞി സ്വദേശിനി മരിച്ചു. കൊടിഞ്ഞി ഫാറൂഖ് നഗര്‍ സ്വദേശി മറ്റത്ത് സൂപ്പിയുടെ ഭാര്യ ആലിപ്പറമ്പില്‍ ഫാത്തിമയാണ് മരിച്ചത്. കൊടിഞ്ഞി ഐഇസി സ്‌കൂളിലെ അധ്യാപികയാണ്.

വേങ്ങര സ്വദേശിനിയാണ്. കൊടിഞ്ഞി ജിഎംയുപി, തിരുത്തി ജിഎംഎല്‍പി, കൊടിഞ്ഞി എം എ ഹയര്‍ സെക്കന്‍ഡറി സ്‌കൂള്‍ എന്നിവിടങ്ങളില്‍ സേവനം അനുഷ്ഠിച്ചിട്ടുണ്ട്. കഴിഞ്ഞ വെള്ളിയാഴ്ച രാവിലെ മലപ്പുറം കിഴക്കെതല ഓര്‍ക്കിഡ് ആശുപത്രിക്ക് മുന്നിലായിരുന്നു അപകടം. റോഡ് മുറിച്ചു കടക്കുന്നതിനിടെ പിക്കപ്പ് വാന്‍ ഇടിക്കുകയായിരുന്നു. ഗുരുതരമായി പരിക്കേറ്റ് പെരിന്തല്‍മണ്ണ എംഇഎസ് മെഡിക്കല്‍ കോളജില്‍ ചികില്‍സയിലായിരുന്നു.