സംസ്ഥാനത്തെ സമ്പൂര്ണ വാക്സിനേഷന് 70 ശതമാനം കഴിഞ്ഞതായി മന്ത്രി
വാക്സിനേടുക്കേണ്ട ജനസംഖ്യയുടെ 96.87 ശതമാനം പേര്ക്ക് (2,58,72,847) ആദ്യ ഡോസ് വാക്സിനും 70.37 ശതമാനം പേര്ക്ക് (1,87,96,209) രണ്ടാം ഡോസ് വാക്സിനും നല്കി.
തിരുവനന്തപുരം: ഒന്നും രണ്ടും ഡോസ് ചേര്ത്ത് സംസ്ഥാനത്തെ സമ്പൂര്ണ കൊവിഡ് വാക്സിനേഷന് 70 ശതമാനം കഴിഞ്ഞതായി ആരോഗ്യ മന്ത്രി വീണാ ജോര്ജ്. വാക്സിനേടുക്കേണ്ട ജനസംഖ്യയുടെ 96.87 ശതമാനം പേര്ക്ക് (2,58,72,847) ആദ്യ ഡോസ് വാക്സിനും 70.37 ശതമാനം പേര്ക്ക് (1,87,96,209) രണ്ടാം ഡോസ് വാക്സിനും നല്കി. ഒന്നും രണ്ടും ഡോസ് ഉള്പ്പെടെ ആകെ 4,46,69,056 ഡോസ് വാക്സിനാണ് നല്കിയത്. ഇത് ദേശീയ ശരാശരിയേക്കാള് വളരെ കൂടുതലാണ്. ദേശീയ തലത്തില് ഒന്നാം ഡോസ് വാക്സിനേഷന് 86.52 ശതമാനവും രണ്ടാം ഡോസ് വാക്സിനേഷന് 53.84 ശതമാനവുമാകുമ്പോഴാണ് കേരളം ഈ നേട്ടം കൈവരിക്കുന്നത്.
വിദേശ രാജ്യങ്ങളില് ഒമിക്രോണ് റിപോര്ട്ട് ചെയ്ത സാഹചര്യത്തില് പ്രതിരോധം ശക്തിപ്പെടുത്തുന്നതിന്റെ ഭാഗമായി സംസ്ഥാനത്ത് പ്രത്യേക കൊവിഡ് വാക്സിനേഷന് യജ്ഞം നടന്നു വരികയാണ്. തദ്ദേശ സ്വയംഭരണ സ്ഥാപന പ്രതിനിധികളുടെ സഹകരണത്തോടെ രണ്ടാം ഡോസ് വാക്സിനേഷന് പൂര്ത്തീകരിക്കാന് ബാക്കിയുള്ളവരെ കണ്ടെത്തി വാക്സിന് നല്കുകയാണ് ലക്ഷ്യം. പ്രത്യേക വാക്സിനേഷന് യജ്ഞത്തിന്റെ ഭാഗമായി പ്രതിദിന വാക്സിനേഷനും കൂടിയിട്ടുണ്ട്.
കൊവിഡ് ബാധിച്ചവര്ക്ക് 3 മാസം കഴിഞ്ഞ് മാത്രം വാക്സിനെടുത്താല് മതി. രണ്ടാം ഡോസ് വാക്സിന് എടുക്കാനുള്ളവര് ഒട്ടും കാലതാമസം വരുത്തരുത്. കോവിഷീല്ഡ് വാക്സിന് 84 ദിവസം കഴിഞ്ഞും കോവാക്സിന് 28 ദിവസം കഴിഞ്ഞും ഉടന് തന്നെ രണ്ടാം ഡോസ് സ്വീകരിക്കേണ്ടതാണെ്. ഇനിയും വാക്സിനെടുക്കാത്തവര് ഉടന് വാക്സിന് സ്വീകരിക്കണമെന്നും മന്ത്രി അഭ്യര്ത്ഥിച്ചു.
RELATED STORIES
കാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMTഗസ കൂട്ടക്കുരുതിയെ സഹായിക്കുന്നതിനെതിരെ ഗൂഗിള് ഓഫിസുകളിൽ വൻ സമരം;...
18 April 2024 10:05 AM GMTറിക്രൂട്ടിങ് ലൈസന്സ് ഇല്ലാതെ യുവതിയെ വിദേശത്തേക്ക് ജോലിക്കായി അയച്ച...
18 April 2024 9:57 AM GMTകാസര്കോട്ട് മോക്പോളില് ബിജെപിക്ക് അധികവോട്ട്; പരിശോധനയ്ക്ക്...
18 April 2024 9:30 AM GMTമകളുടെ അപകടമരണം: പോപുലര് ഫ്രണ്ട് മുന് ചെയര്മാന് ഒ എം എ സലാമിന്...
18 April 2024 9:05 AM GMT