ആന്ധ്രാപ്രദേശില്‍ മിനിബസ് കൊക്കയിലേക്ക് മറിഞ്ഞ് ഏഴ് മരണം

അമരാവതി: കര്‍ണാടകയില്‍ നിന്നുള്ള തീർത്ഥാടകർ സഞ്ചരിച്ച മിനിബസ് കൊക്കയിലേക്ക് മറിഞ്ഞ് ഏഴു മരണം. ആറുപേർക്ക് പരിക്കേറ്റിട്ടുണ്ട്. ഇവരുടെ നില ​ഗുരുതരമാണ്. കര്‍ണാടകയിലെ ചിത്രദുര്‍ഗ ജില്ലയില്‍ നിന്നുള്ള സഞ്ചാരികളാണ് അപകടത്തില്‍പെട്ടത്. തെലങ്കാനയിലേയും ആന്ധ്രയിലേയും തീര്‍ത്ഥാടനകേന്ദ്രത്തിലേക്കാണ് ഇവര്‍ യാത്രചെയ്തിരുന്നത്. മരേദുമില്ലി--വാല്‍മീകിക്കൊണ്ട റോഡില്‍വച്ച്‌ ഇവര്‍ സഞ്ചരിച്ച മിനിബസ്‌ കൊക്കയിലേക്ക്‌ മറിയുകയായിരുന്നു. ആറുപേർ സംഭവസ്ഥലത്ത് വച്ചും ഒരാൾ ആശുപത്രിയിലുമാണ് കൊല്ലപ്പെട്ടത്.