അങ്കണവാടി കുട്ടികള്ക്ക് ഇനി മുതല് പാലും മുട്ടയും; 61.5 കോടിയുടെ പോഷക ബാല്യം പദ്ധതി ആഗസ്ത് ഒന്ന് മുതല്
തിരുവനന്തപുരം: സംസ്ഥാന വനിതാ ശിശുവികസന വകുപ്പ് നടപ്പാക്കുന്ന 61.5 കോടി രൂപയുടെ പോഷകബാല്യം പദ്ധതിയുടെ ഭാഗമായി അങ്കണവാടി പ്രീ സ്കൂള് കുട്ടികള്ക്ക് ആഗസ്ത് ഒന്നു മുതല് പാലും മുട്ടയും നല്കുന്നു. വനിതാ ശിശുവികസന വകുപ്പിന് കീഴിലുള്ള 33,115 അങ്കണവാടികളിലും പദ്ധതി നടപ്പാക്കും. കുട്ടികളുടെ പോഷകാഹാര നിലവാരം ഉയര്ത്തുന്നതിനും, സുസ്ഥിര വികസന ലക്ഷ്യം കൈവരിക്കുന്നതിനുമായാണ് ആഴ്ചയില് രണ്ട് ദിവസം മുട്ടയും, രണ്ട് ദിവസം പാലും നല്കുന്നത്. ഒരു കുട്ടിയ്ക്ക് ഒരുദിവസം ഒരു ഗ്ലാസ് പാല് വീതം ആഴ്ചയില് തിങ്കള്, വ്യാഴം ദിവസങ്ങളിലും, ആഴ്ചയില് ചൊവ്വ, വെള്ളി ദിവസങ്ങളില് മുട്ടയും നല്കും.
അങ്കണവാടിയിലെ മൂന്ന് വയസ് മുതല് ആറ് വയസ് വരെയുള്ള നാല് ലക്ഷത്തോളം പ്രീസ്കൂള് കുട്ടികള്ക്ക് ഈ പദ്ധതിയുടെ പ്രയോജനം ലഭിക്കും. കുഞ്ഞുങ്ങളുടെ ബൗദ്ധികവും വൈകാരികവും, സാമൂഹികവും, ആരോഗ്യപരവുമായ വികാസത്തിന് ഊന്നല് നല്കി ആറ് സേവനങ്ങളാണ് അങ്കണവാടി വഴി നല്കുന്നത്. ഇതില് ഒരു പ്രധാന സേവനമാണ് അനുപൂരക പോഷകാഹാര പദ്ധതി. ഈ പദ്ധതി പ്രകാരം, 6 മാസം മുതല് 6 വയസ് വരെയുള്ള കുട്ടികള്, ഗര്ഭിണികള്, പാലൂട്ടുന്ന അമ്മമാര് എന്നിവര്ക്ക് അങ്കണവാടികളിലൂടെ അനുപൂരക പോഷകാഹാരം നല്കിവരുന്നു.
ഇത് കൂടാതെയാണ് അങ്കണവാടി മെനുവില് പാലും മുട്ടയും ഉള്പ്പെടുത്തിയത്. മില്മ, പ്രാദേശിക ക്ഷീര സൊസൈറ്റി, കുടുംബശ്രീ, ക്ഷീരകര്ഷകര് എന്നിവര് വഴി ഈ പദ്ധതിക്ക് ആവശ്യമായ പാല് അങ്കണവാടികളില് നേരിട്ട് എത്തിക്കും. ഈ സംവിധാനങ്ങള് ഒന്നും ലഭ്യമല്ലാത്ത മലയോര ഗ്രാമപ്രദേശങ്ങളിലെ 220 അങ്കണവാടികളില് മില്മയുടെ യുഎച്ച്ടി പാല് വിതരണം ചെയ്യും. പദ്ധതിയുടെ സംസ്ഥാനതല ഉദ്ഘാടനം ആഗസ്ത് ഒന്നിന് ഉച്ചയ്ക്ക് 12 മണിക്ക് ഡിപിഐ ജവഹര് സഹകരണ ഭവനില് മുഖ്യമന്ത്രി പിണറായി വിജയന് നിര്വഹിക്കും. ആരോഗ്യമന്ത്രി വീണാ ജോര്ജ് അധ്യക്ഷത വഹിക്കും. ഗതാഗത മന്ത്രി ആന്റണി രാജു മുഖ്യാതിഥിയാവും.
RELATED STORIES
രാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTഇസ്രായേലിന്റെ ആണവനിലയങ്ങള് അത്യാധുനിക ആയുധങ്ങളാല് തകര്ക്കുമെന്ന്...
19 April 2024 1:15 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT