മുംബൈ ഭാട്ടിയ ആശുപത്രിക്ക് സമീപമുള്ള 20 നില കെട്ടിടത്തില്‍ വന്‍ തീപിടിത്തം;2 പേര്‍ മരിച്ചു

മുംബൈ: മുംബൈയിലെ ഭാട്ടിയ ആശുപത്രിക്ക് സമീപമുള്ള 20 നില കെട്ടിടത്തില്‍ വന്‍ തീപിടിത്തം. ശനിയാഴ്ച പുലര്‍ച്ചെയുണ്ടായ തീ പിടിത്തത്തില്‍ 2 പേര്‍ മരിച്ചു.തീപിടിത്തത്തിന്റെ കാരണം വ്യക്തമല്ല.

ഫയര്‍ഫോഴ്‌സും പോലിസും സ്ഥലത്തെത്തി. പതിമൂന്ന് ഫയര്‍ എഞ്ചിനുകള്‍ അഗ്‌നിശമന പ്രവര്‍ത്തനത്തില്‍ ഏര്‍പ്പെട്ടിട്ടുണ്ട്.തീപിടിത്തത്തില്‍ 15 പേര്‍ക്ക് പരിക്കേറ്റു, ഇവരെ അടുത്തുള്ള ആശുപത്രിയില്‍ പ്രവേശിപ്പിച്ചിരിക്കുകയാണ്. ഇതില്‍ 3 പേരുടെ നില അതീവഗുരുതരമാണ്.രക്ഷാപ്രവര്‍ത്തനങ്ങള്‍ക്കായി അഞ്ച് ആംബുലന്‍സുകളും സ്ഥലത്ത് വിന്യസിച്ചിട്ടുണ്ടെന്ന് ബ്രിഹന്‍മുംബൈ മുനിസിപ്പല്‍ കോര്‍പ്പറേഷന്‍ അറിയിച്ചു.