യുക്രെയ്നില് നിന്ന് ഇതുവരെ എത്തിയത് 187 മലയാളി വിദ്യാര്ത്ഥികള്; സുരക്ഷിതമായി തിരിച്ചെത്തിക്കാനുള്ള ശ്രമങ്ങളാണ് നടക്കുന്നതെന്ന് മുഖ്യമന്ത്രി
തിരുവനന്തപുരം; യുക്രെയ്നില് അകപ്പെട്ട വിദ്യാര്ത്ഥികള് ഉള്പ്പെടെയുള്ളവരെ അടുത്ത ദിവസം തന്നെ തിരികെ എത്തിക്കാനുള്ള ശ്രമങ്ങളാണ് നടക്കുന്നതെന്ന് മുഖ്യമന്ത്രി പിണറായി വിജയന് അറിയിച്ചു. യുക്രെയ്നിലെ ഇന്ത്യന് എംബസിയുടെയും വിദേശകാര്യവകുപ്പിന്റെയും നോര്ക്ക റൂട്ട്സിന്റെയും ഒക്കെ കൂട്ടായ പ്രവര്ത്തനത്തിന്റെ ഫലമായി ഇതിനകം 187 മലയാളി വിദ്യാര്ത്ഥികളെ തിരിച്ചെത്തിക്കാന് കഴിഞ്ഞിട്ടുണ്ട്.
ഇന്ത്യയില് തിരിച്ചെത്തുന്നവരെ ഡെല്ഹിയിലും മുംബൈയിലും സ്വീകരിക്കാനും അവിടെ നിന്നും സൗജന്യമായി നാട്ടിലെത്തിക്കാനും എല്ലാ സൗകര്യവും സംസ്ഥാന സര്ക്കാര് ഒരുക്കിയിട്ടുണ്ട്. ഇവരെ നാട്ടിലെത്തിക്കുന്നതിനുള്ള പ്രവര്ത്തനങ്ങള് ഊര്ജ്ജിതമാക്കുന്നതിന് കേരള ഹൗസില് സെക്രട്ടേറിയറ്റില് നിന്ന് പ്രത്യേകസംഘത്തെ നിയോഗിച്ചിട്ടുണ്ട്. കേരള ഹൗസ് പ്രോട്ടോക്കോള് ഓഫിസറായി സെക്രട്ടറിയറ്റിലെ ജോയിന്റ് സെക്രട്ടറിയെ നിയമിച്ച് ലെയ്സണ് ഓഫിസറുടെ ചുമതലയും നല്കി.
കേരളത്തില് നിന്നുള്ള വിദ്യാര്ത്ഥികളടക്കം പതിനായിരക്കണക്കിന് ഇന്ത്യക്കാരാണ് യുക്രെയ്നിലുള്ളത്. അവരുടെ സുരക്ഷ ഉറപ്പുവരുത്താന് ബന്ധപ്പെട്ട എല്ലാവരും രാപകല് ഇല്ലാതെ പരിശ്രമിച്ചു വരികയാണ്. ഈ ഘട്ടത്തില് ഔദ്യോഗിക അറിയിപ്പുകളെ മാത്രം ആശ്രയിക്കണം. പരിഭ്രാന്തി പടര്ത്താതെ ചുറ്റുമുള്ളവര്ക്ക് പ്രതീക്ഷ നല്കാനും കഴിയണമെന്ന് അദ്ദേഹം പറഞ്ഞു.
ഈയൊരു ഘട്ടത്തില് മലയാളി വിദ്യാര്ത്ഥികളും അവരുടെ രക്ഷിതാക്കളും വലിയ ആശങ്കയിലാണ്. അവിടെ അകപ്പെട്ടിരിക്കുന്ന കുട്ടികള്ക്കും അവരുടെ ഉറ്റവര്ക്കും ധൈര്യം പകരാന് കഴിയണം. പരമാവധി സംയമനത്തോടെ ഈ ഘട്ടത്തെ അഭിമുഖീകരിക്കുക എന്നതാണ് ചെയ്യേണ്ടത്.
ഇനിയും റജിസ്റ്റര് ചെയ്തിട്ടില്ലാത്തവര് ukraineregistration.norkaroots.org എന്ന ലിങ്കില് രജിസ്റ്റര് ചെയ്യണം. നോര്ക്ക റൂട്ട്സിന്റെ 1 800 425 3939 എന്ന നമ്പരില് എപ്പോഴും ബന്ധപ്പെടാവുന്നതാണ്. 24 മണിക്കൂറും ആ കണ്ട്രോള് റൂം പ്രവര്ത്തിക്കുണ്ട്. അവിടെ ലഭിക്കുന്ന വിവരങ്ങള് അപ്പപ്പോള് തന്നെ വിദേശകാര്യ വകുപ്പിനെയും യുെ്രെകയിനിലെ ഇന്ത്യന് എംബസിയെയും അറിയിക്കുന്നുണ്ടെന്നും മുഖ്യമന്ത്രി പറഞ്ഞു.
RELATED STORIES
പരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT41 ഡിഗ്രി സെൽഷ്യസ് വരെ താപനില ഉയരാൻ സാധ്യത, പാലക്കാട് ഉഷ്ണതരംഗ...
25 April 2024 10:52 AM GMT