വയനാട് ജില്ലയില് 17 പേര്ക്ക് കൂടി കൊവിഡ്; ആദിവാസി കോളനിയില് 11 പേര്ക്ക് രോഗം
കല്പ്പറ്റ: വയനാട് ജില്ലയില് ഇന്ന് 17 പേര്ക്ക് കൊവിഡ് സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. ആര്. രേണുക അറിയിച്ചു. എല്ലാവര്ക്കും സമ്പര്ക്കത്തിലൂടെയാണ് രോഗബാധ. 9 പേര് രോഗമുക്തി നേടി.
ഇതോടെ ജില്ലയില് കൊവിഡ് സ്ഥിരീകരിച്ചവരുടെ ആകെ എണ്ണം 737 ആയി. ഇതില് 354 പേര് രോഗമുക്തരായി. ഒരാള് മരണപ്പെട്ടു. നിലവില് 382 പേരാണ് ചികില്സയിലുള്ളത്. 366 പേര് ജില്ലയിലും 16 പേര് ഇതര ജില്ലകളിലും ചികില്സയില് കഴിയുന്നു.
വാളാട് സമ്പര്ക്കത്തിലുള്ള ആലാറ്റില് പുലച്ചിക്കുനി ആദിവാസി കോളനിയിലെ 11 പേര് (5 കുട്ടികളടക്കം 7 സ്ത്രീകളും 4 പുരുഷന്മാരും), ഒരു വെള്ളമുണ്ട സ്വദേശിനി (9), രണ്ട് പനമരം സ്വദേശിനികള് (37, 3), കോഴിക്കോട് സ്വകാര്യ ആശുപത്രിയില് ചികില്സയിലുള്ള പനമരം വാരാമ്പറ്റ സ്വദേശിനി (36), ബത്തേരി സമ്പര്ക്കത്തിലുള്ള ചെതലയം സ്വദേശി (49), കോഴിക്കോട് മെഡിക്കല് കോളജില് ജോലി ചെയ്യുന്ന അമ്പലവയല് സ്വദേശിനിയായ ആരോഗ്യപ്രവര്ത്തക (31) എന്നിവര്ക്കാണ് രോഗം സ്ഥിരീകരിച്ചത്.
രോഗമുക്തി നേടിയവര്:
വയനാട് ജില്ലയിലെ മുള്ളന്കൊല്ലി (4), തൊണ്ടര്നാട് (27), പൊരുന്നന്നൂര് (3,29), പൂതാടി(31), നൂല്പ്പുഴ(26), മീനങ്ങാടി (42), വെള്ളമുണ്ട (25) സ്വദേശികളും ഒരു ചെര്പ്പുളശ്ശേരി (29) സ്വദേശിയുമാണ് രോഗം ഭേദമായി ഡിസ്ചാര്ജ് ആയത്.
കൊവിഡുമായി ബന്ധപ്പെട്ട് ജില്ലയില് ഇന്ന് (04.08) പുതുതായി നിരീക്ഷണത്തിലായത് 173 പേരാണ്. 167 പേര് നിരീക്ഷണ കാലം പൂര്ത്തിയാക്കി. നിലവില് നിരീക്ഷണത്തിലുള്ളത് 2875 പേര്. ഇന്ന് വന്ന 35 പേര് ഉള്പ്പെടെ 411 പേര് ആശുപത്രിയില് നിരീക്ഷണത്തിലാണ്. ജില്ലയില് നിന്ന് ഇന്ന് 733 പേരുടെ സാംപിളുകളാണ് പരിശോധനയ്ക്ക് അയച്ചത്. ഇതുവരെ പരിശോധനയ്ക്ക് അയച്ച 23745 സാംപിളുകളില് 22400 പേരുടെ ഫലം ലഭിച്ചു. ഇതില് 21680 നെഗറ്റീവും 737 പോസിറ്റീവുമാണ്.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT