കൊവിഡ് 19: മലപ്പുറം ജില്ലയില് 1,656 പേര് കൂടി പുതിയതായി നിരീക്ഷണത്തില്
23 Jun 2020 1:13 PM GMT
മലപ്പുറം: കൊവിഡ് 19 വ്യാപനം തടയുന്നതിന്റെ ഭാഗമായി മലപ്പുറം ജില്ലയില് 1,656 പേര്ക്കുകൂടി പ്രത്യേക നിരീക്ഷണം ഏര്പ്പെടുത്തിയതായി ജില്ലാ കലക്ടര് കെ. ഗോപാലകൃഷ്ണന് അറിയിച്ചു. 21,413 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 345 പേര് വിവിധ ആശുപത്രികളില് നിരീക്ഷണത്തിലുണ്ട്. മഞ്ചേരി ഗവ. മെഡിക്കല് കോളജ് ആശുപത്രിയില് 274 പേരും തിരൂരങ്ങാടി താലൂക്ക് ആശുപത്രിയില് നാല് പേരും നിലമ്പൂര് ജില്ലാ ആശുപത്രിയില് ഒരാളും തിരൂര് ജില്ലാ ആശുപത്രിയില് രണ്ട് പേരും കാളികാവ് പ്രത്യേക ചികില്സാ കേന്ദ്രത്തില് 56 പേരും മുട്ടിപ്പാലം പ്രത്യേക ചികില്സാ കേന്ദ്രത്തില് എട്ട് പേരുമാണ് ചികില്സയിലുള്ളത്. 19,689 പേരാണ് ഇപ്പോള് വീടുകളില് നിരീക്ഷണത്തില് കഴിയുന്നത്. 1,379 പേര് കൊവിഡ് കെയര് സെന്ററുകളിലും ആരോഗ്യ വകുപ്പിന്റെ പ്രത്യേക നിരീക്ഷണത്തില് കഴിയുന്നു.
Next Story
