കോട്ടയം ഏറ്റുമാനൂരിൽ കെഎസ്ആർടിസി ബസ് മറിഞ്ഞ് 16 പേർക്കു പരിക്ക്

കോട്ടയം: ഏറ്റുമാനൂരിൽ കെഎസ്ആർടിസി ബസ് നിയന്ത്രണം വിട്ടു മറിഞ്ഞ് 16 പേർക്ക് പരിക്ക്. ഒരാളുടെ നില ​ഗുരുതരമാണെന്നാണു പ്രാഥമിക റിപോർട്ടുകൾ. പുലർച്ചെ രണ്ടരയോടെ അടിച്ചിറയിലായിരുന്നു അപകടം. പരിക്കേറ്റവരെ ആശുപത്രിയിലേക്ക് മാറ്റി.

തിരുവനന്തപുരത്തു നിന്ന് മാട്ടുപ്പെട്ടിക്കു പോവുകയായിരുന്ന സൂപ്പർ ഫാസ്റ്റ് ബസ്സാണ് അപകടത്തിൽപെട്ടത്. ഡ്രെെവറും കണ്ടക്ടറുമുൾപ്പെടെ 46 പേർ ബസ്സിലുണ്ടായിരുന്നു. ​ഗാന്ധി​ന​ഗറിൽ ഒരു യാത്രികനെ ഇറക്കിയ ശേഷം യാത്ര തുടരവെ അടിച്ചിറ വളവിൽ നിയന്ത്രണം വിട്ട ബസ് രണ്ടു പോസ്റ്റുകളിൽ ഇടിച്ച ശേഷം മറിഞ്ഞുവെന്നാണ് വിവരം.