കാബൂളില്‍ റോക്കറ്റ് ആക്രമണം; ഒരു മരണം

കാബൂള്‍: അഫ്ഗാന്‍ തലസ്ഥാനമായ കാബൂളില്‍ റോക്കറ്റ് ആക്രമണം. ഒരാള്‍ കൊല്ലപ്പെടുകയും മറ്റൊരാള്‍ക്ക് പരിക്കേല്‍ക്കുകയും ചെയ്തതായി ആഭ്യന്തര മന്ത്രാലയം അറിയിച്ചു. കാബൂളില്‍ ഒരു മാസത്തിനുള്ളില്‍ ഉണ്ടാവുന്ന രണ്ടാമത്തെ റോക്കറ്റ് ആക്രമണമാണിത്. ശനിയാഴ്ചയാണ് കാബൂളിനു സമീപത്തെ ലാബേ ജറില്‍ നിന്ന് നാല് റോക്കറ്റുകള്‍ തൊടുത്തുവിട്ടതെന്ന് മന്ത്രാലയം വക്താവ് താരിഖ് ഏരിയന്‍ മാധ്യമപ്രവര്‍ത്തകരോട് പറഞ്ഞു. രണ്ടു റോക്കറ്റുകള്‍ കാബൂള്‍ വിമാനത്താവളത്തിന് സമീപമാണ് വീണത്.