ഇന്ന് രണ്ട് ജില്ലകളിൽ റെഡ് അലർട്ട് : അതി തീവ്രമഴക്കും കാറ്റിനും സാധ്യത

തിരുവനന്തപുരം : സംസ്ഥാനത്ത് ഇന്നുംമഴ കൂടാൻ സാധ്യത .അതി തീവ്ര മഴയും കാറ്റും ഉണ്ടാവാൻ സാധ്യതയുള്ള കണ്ണൂർ, കാസർകോട് ജില്ലകളിൽ കേന്ദ്ര കാലാവസ്ഥാ വകുപ്പ് റെഡ് അലർട്ട് നിർദേശം പ്രഖ്യാപിച്ചു . മലപ്പുറം, കോഴിക്കോട് ,വയനാട് ,ജില്ലകളിൽ ഓറഞ്ച് അലർട്ട് നിർദേശവും, ഇടുക്കി ,എറണാകുളം, തൃശൂർ ,പാലക്കാട് ജില്ലകളിൽ മഞ്ഞ അലർട്ടും ആണ്. ബംഗാൾ ഉൾക്കടലിനു മുകളിൽ തമിഴ്നാട് തീരത്ത് സമീപം ഉയർന്ന നിലയിൽ ചക്രവാതച്ചുവഴി സ്ഥിതി ചെയ്യുന്നതിനാൽ അടുത്ത അഞ്ചുദിവസം നേരിയതോ, ഇടത്തരമോ മഴക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഒറ്റപ്പെട്ട അതിശക്തമായ മഴക്കും 50 കിലോമീറ്റർ വരെ വേഗത്തിൽ കാറ്റിനും സാധ്യതയുണ്ട് . കേരളം കർണാടക ലക്ഷദ്വീപ് തീരങ്ങളിൽ ഇന്ന് മത്സ്യബന്ധനത്തിനും വിലക്കുണ്ട് . ഈ മേഖലയിൽ 60 കിലോമീറ്റർ വരെ വേഗത്തിൽ കാറ്റും പ്രതീക്ഷിക്കുന്നു.