സൗദി അഴിമതി വിരുദ്ധ അഥോറിറ്റി 218 കേസുകള് രജിസ്റ്റര് ചെയ്തു
ശൂറ കൗണ്സിലിലെ നിലവിലെ അംഗം, മുന് ജഡ്ജി, നിലവിലെ നോട്ടറി, മുന് ബാങ്ക് ഉദ്യോഗസ്ഥന്, മുന് ജില്ലാ പോലീസ് മേധാവി, മുന് കസ്റ്റംസ് ഡയറക്ടര്, മുന് വിമാനത്താവള ഉദ്യോഗസ്ഥന് എന്നിവര്ക്കെതിരെ വിവിധകേസുകളില് കുറ്റം ചുമത്തിയിട്ടുണ്ട്.
റിയാദ്: സര്ക്കാര് വകുപ്പുകളിലെ അഴിമതിക്കെതിരെ നടപടിയെടുക്കുന്ന സൗദി അഴിമതി വിരുദ്ധ അഥോറിറ്റി 218 കേസുകള് രജിസ്റ്റര് ചെയ്തതായി സൗദി പ്രസ് ഏജന്സി റിപ്പോര്ട്ട് ചെയ്തു. വഞ്ചന, കൈക്കൂലി, സാമ്പത്തിക, തൊഴില് അഴിമതി എന്നിവയുമായി ബന്ധപ്പെട്ടതാണ് കേസുകള്.
ശൂറ കൗണ്സിലിലെ നിലവിലെ അംഗം, മുന് ജഡ്ജി, നിലവിലെ നോട്ടറി, മുന് ബാങ്ക് ഉദ്യോഗസ്ഥന്, മുന് ജില്ലാ പോലീസ് മേധാവി, മുന് കസ്റ്റംസ് ഡയറക്ടര്, മുന് വിമാനത്താവള ഉദ്യോഗസ്ഥന് എന്നിവര്ക്കെതിരെ വിവിധകേസുകളില് കുറ്റം ചുമത്തിയിട്ടുണ്ട്.കിഴക്കന് പ്രവിശ്യയിലെ ഒരു കച്ചവടക്കാരനെതിരിലും കേസെടുത്തിട്ടുണ്ട്. 20 ദശലക്ഷത്തിലധികം സൗദി റിയാല് ആണ് വിവിധ സന്ദര്ഭങ്ങളിലായി ഇയാള് കൈക്കൂലി നല്കിയത്. ശൂറ കൗണ്സില് അംഗങ്ങള്ക്കും വന് തുക കൈക്കൂലി നല്കിയിരുന്നു. ബാങ്കുകളില് നിന്നും ക്രമരഹിതമായി വന്തുകക്കുള്ള വായ്പ്പകള് നേടിയെടുക്കുകയും ചെയ്തു.
സൗദി സൈനിക കോളെജില് പഠിച്ചിരുന്നതായി വ്യാജ രേഖ നിര്മിച്ച് നല്കിയതിന് മുന് ഓഫിസര്ക്കെതിരിലും കേസെടുത്തിട്ടുണ്ട്. 35000 സൗദി റിയാല് വാങ്ങിയാണ് വ്യാജ രേഖ നിര്മിച്ചത്. പൊതുജനങ്ങളുടെ പണം ദുരുപയോഗം ചെയ്തതിനും രാജ്യ താല്പ്പര്യങ്ങള്ക്ക് ഹാനികരവുമായ കേസുകളെ സംബന്ധിച്ച് അന്വേഷണം തുടരുമെന്നും സൗദി പ്രസ് ഏജന്സി റിപ്പോര്ട്ട് ചെയ്തു.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT