സ്വര്‍ണവില വർധിച്ചു

കൊച്ചി: സംസ്ഥാനത്ത് വീണ്ടും സ്വർണവില വർധിച്ചു. സ്വർണം ഗ്രാമിന് 55 രൂപ വർധിച്ച് 12,725 രൂപയും, പവന് 440 രൂപ വർധിച്ച് 1,01,800 രൂപയുമായി. ഇന്നലെ മൂന്നു തവണയാണ് സംസ്ഥാനത്ത് സ്വർണവിലയിൽ വർധനവ് രേഖപ്പെടുത്തിയത്. ആഗോളരംഗത്ത് അനിശ്ചിതാവസ്ഥകൾ തുടരുന്നതിനിടയിലാണ് വിലയിൽ വീണ്ടും വർധന രേഖപ്പെടുത്തിയിരിക്കുന്നത്.

ഇന്നലെ വൈകീട്ട് സ്വര്‍ണം ഗ്രാമിന് 35 രൂപ വര്‍ധിച്ച് 12,670 രൂപയും, പവന് 280 രൂപ വര്‍ധിച്ച് 1,01,360 രൂപയുമായിരുന്നു. ഉച്ചക്ക് സ്വര്‍ണം ഗ്രാമിന് 40 രുപ വര്‍ധിച്ച് 12,635 രൂപയും, പവന് 320 രൂപ വര്‍ധിച്ച് 1,01,080 രൂപയുമായിരുന്നു. രാവിലെ സ്വര്‍ണം ഗ്രാമിന് 145 രൂപ വര്‍ധിച്ച് 12,595 രൂപയും, പവന് 1,160 രൂപ വര്‍ധിച്ച് 1,00,760 രൂപയുമായിരുന്നു വില. ഇന്നലെ സ്വര്‍ണം ഗ്രാമിന് 220 രൂപയും, പവന് 1,760 രൂപയുടേയും വര്‍ധനവാണ് രേഖപ്പെടുത്തിയത്.

2026ല്‍ ഇന്നലെയാണ് സ്വര്‍ണവില ലക്ഷം കടക്കുന്നത്. അന്താരാഷ്ട്ര വിപണിയിലും സ്വര്‍ണവില ഉയര്‍ന്നിട്ടുണ്ട്. കഴിഞ്ഞ ശനിയാഴ്ച സ്വര്‍ണം ഗ്രാമിന് 35 രൂപ കുറഞ്ഞ് 12,450 രൂപയും, പവന് 280 രൂപ കുറഞ്ഞ് 99,600 രൂപയുമായിരുന്നു. വെള്ളിയാഴ്ച സ്വര്‍ണം ഗ്രാമിന് 105 രൂപ വര്‍ധിച്ച് 12,485 രൂപയും, പവന് 840 രൂപ വര്‍ധിച്ച് 99,880 രൂപയായിരുന്നു വില. വെനസ്വേലയിൽ ഉണ്ടായ രാഷ്ട്രീയസാഹചര്യം തന്നെയാണ് സ്വർണത്തിന്റെറെ വില ഉയർത്തുന്ന പ്രധാന കാരണം.