നിക്ഷേപങ്ങള്ക്ക് പലിശ കൂട്ടി, വായ്പാ പലിശ കുറച്ചു; സഹകരണ ബാങ്ക് പലിശ നിരക്ക് പുതുക്കി നിശ്ചയിച്ചു
തിരുവനന്തപുരം: സംസ്ഥാനത്തെ പ്രാഥമിക സഹകരണ സംഘങ്ങളിലെ നിക്ഷേപങ്ങളുടെ പലിശ നിരക്ക് പുതുക്കി നിശ്ചയിച്ചു. രണ്ടുവര്ഷത്തിനു മുകളിലുള്ള സ്ഥിരനിക്ഷേപങ്ങളുടെ പലിശ ആറര ശതമാനത്തില്നിന്നും ഏഴ് ശതമാനമായി ഉയര്ത്തി. 15 ദിവസം മുതല് 45 ദിവസം വരെയുള്ള നിക്ഷേപങ്ങള്ക്ക് അഞ്ച് ശതമാനമായി ഉയര്ത്തി. നേരത്തെ ഇത് 4.75 ശതമാനമായിരുന്നു. മൂന്ന് മാസം (46 ദിവസം മുതല് 90 ദിവസം വരെ) വരെയുള്ള നിക്ഷേപങ്ങളുടെ പലിശ 5.25 ശതമാനത്തില്നിന്നും അഞ്ചര ശതമാനത്തിലേയ്ക്ക് ഉയര്ത്തി.
ആറ് മാസം (91 ദിവസം മുതല് 180 ദിവസം വരെ) വരെയുള്ള നിക്ഷേപങ്ങള്ക്ക് ആറ് ശതമാനമായിരിക്കും ഇനി മുതല് പലിശ. ഒരുവര്ഷം (181 364 ദിവസം) വരെയുള്ള നിക്ഷേപങ്ങളുടെ പലിശ 6.25 ശതമാനമായും ഒരു വര്ഷത്തിനു മുകളിലുള്ള നിക്ഷേപങ്ങള്ക്ക് ഏഴ് ശതമാനമായും പലിശ പുതുക്കി നിശ്ചയിച്ചു. വിവിധ വായ്പകളുടെ പലിശ നിരക്കില് അര ശതമാനം വരെ കുറവുവരുത്തി. വായ്പകളുടെ സ്വഭാവം അനുസരിച്ചായിരിക്കും പലിശ നിര്ണയിക്കുക. 2021 ജനുവരിയിലും നിക്ഷേപ, വായ്പാ പലിശ നിരക്കുകള് പുതുക്കി നിശ്ചയിച്ചിരുന്നു.
പലിശ നിര്ണയ സമിതി ചെയര്മാന് കൂടിയായ സഹകരണ മന്ത്രി വി എന് വാസവന്റെ അധ്യക്ഷതയില് ചേര്ന്ന യോഗത്തിലാണ് പലിശ നിരക്കുകള് പുതുക്കി നിശ്ചയിച്ചത്. സംസ്ഥാനത്തെ പ്രാഥമിക കാര്ഷിക വായ്പാ സഹകരണ സംഘങ്ങള് ഉള്പ്പെടെയുള്ള സഹകരണ സ്ഥാപനങ്ങളുടെ പലിശ നിരക്കാണ് നിശ്ചയിച്ചത്. സര്വീസ് സഹകരണ ബാങ്കുകള്, അര്ബന് സഹകരണ സംഘങ്ങള്, റീജിയണല് റൂറല് കോ-ഓപറേറ്റീവ് സൊസൈറ്റികള്, എംപ്ലോയ്സ് സഹകരണ സംഘങ്ങള്, അഗ്രിക്കള്ച്ചറല് ഇംപ്രൂവ്മെന്റ് സഹകരണ സംഘങ്ങള് ഉള്പ്പെടെയുള്ള പ്രാഥമിക സഹകരണ സംഘങ്ങള്ക്കാണ് പുതുക്കിയ പലിശ നിരക്ക് ബാധകം.
പലിശ നിര്ണയ ഉന്നതതല സമിതി അംഗങ്ങളായ സഹകരണ സെക്രട്ടറി മിനി ആന്റണി, പ്രാഥമിക കാര്ഷിക വായ്പാ സഹകരണ സംഘങ്ങളുടെ അസോസിയേഷന് പ്രസിഡന്റ് വി ജോയ് എംഎല്എ, കേരള ബാങ്ക് പ്രസിഡന്റ് ഗോപി കോട്ടമുറിക്കല്, സംസ്ഥാന സഹകരണ യൂനിയന് ചെയര്മാന് കോലിയാക്കോട് കൃഷ്ണന് നായര്, പ്രാഥമിക കാര്ഷിക ഗ്രാമവികസന ബാങ്ക് പ്രതിനിധി ഇ.ജി. മോഹനന്, സംസ്ഥാന സഹകരണ ബാങ്ക് ചീഫ് ജനറല് മനേജര്, സംസ്ഥാന കാര്ഷിക ഗ്രാമവികസന ബാങ്ക് എംഡി ബിനോയ് കുമാര്, സഹകരണ സംഘം രജിസ്ട്രാര് എന്നിവര് യോഗത്തില് പങ്കെടുത്തു.
RELATED STORIES
ഐപിഎല്; ചെന്നൈക്കെതിരെ ലഖ്നൗവിന് എട്ട് വിക്കറ്റ് ജയം
19 April 2024 6:21 PM GMTബട്ലര് യു ഡിഡ് ഇറ്റ്; നൈറ്റ് റൈഡേഴ്സ് വെല്ലുവിളിയും മറികടന്ന്...
16 April 2024 6:37 PM GMTഐപിഎല്; ഒന്നില് തുടരാന് രാജസ്ഥാന് റോയല്സ്; ഒന്നിലെത്താന് നൈറ്റ്...
16 April 2024 7:47 AM GMTഹാര്ദ്ദിക്കിന്റെയും ക്രുണാലിന്റെയും പണം തട്ടിയെടുത്തു; അര്ദ്ധ...
11 April 2024 12:40 PM GMTരോഹിത് ശര്മ്മയുടെ പുറത്താകല് ആഘോഷിച്ചു; സിഎസ്കെ ആരാധകനെ...
1 April 2024 3:04 PM GMTഐപിഎല്; ചിന്നസ്വാമിയില് ചെന്ന് ബെംഗളൂരിനെ തകര്ത്ത് നൈറ്റ് റൈഡേഴ്സ്
29 March 2024 5:50 PM GMT