കൊവിഡ്: വാര്ഷിക സ്വര്ണ ഡിമാന്റ് 11 വര്ഷത്തെ താഴ്ന്ന നിലയില്
കൊച്ചി: കൊവിഡ് മൂലം വര്ഷം മുഴുവന് തുടര്ന്ന ഉപഭോക്തൃ ആവശ്യ ഇടിവ് 2020ലെ സ്വര്ണ ആവശ്യത്തെ 14 ശതമാനം വാര്ഷിക ഇടിവോടെ 3,759.6 ടണ് എന്ന നിലയിലെത്തിച്ചു. 2009നു ശേഷം ഇതാദ്യമായാണ് ആവശ്യം 4000 ടണ്ണിനു താഴെ എത്തുന്നതെന്ന് വേള്ഡ് ഗോള്ഡ് കൗണ്സിലിന്റെ റിപോര്ട്ട് ചൂണ്ടിക്കാട്ടുന്നു. നാലാം ത്രൈമാസത്തിലെ സ്വര്ണ ആവശ്യം 28 ശതമാനം ഇടിഞ്ഞ് 783.4 ടണ് എന്ന നിലയിലെത്തിയിരുന്നു. ആഗോള സാമ്പത്തിക പ്രതിസന്ധിക്കിടെ 2008 രണ്ടാം ത്രൈമാസത്തിനു ശേഷമുള്ള ഏറ്റവും മോശമായ ത്രൈമാസമായിരുന്നു ഇത്.
നാലാം ത്രൈമാസത്തില് സ്വര്ണ ആഭരണ ആവശ്യം വാര്ഷികാടിസ്ഥാനത്തില് 13 ശതമാനം ഇടിഞ്ഞ് 515.9 ടണ്ണില് എത്തിയിരുന്നു. മുഴുവന് വര്ഷത്തില് ഇത് 1,411.6 ടണ് ആയിരുന്നു. 2019നെ അപേക്ഷിച്ച് 34 ശതമാനമായിരുന്നു ഇടിവ്. നിക്ഷേപ ആവശ്യത്തിന്റെ കാര്യത്തില് 40 ശതമാനം വര്ധനവോടെ 1,773.2 ടണ് എന്ന നിലയിലെത്തിയിട്ടുണ്ട്. സ്വര്ണ ഇടിഎഫുകളുടെ പിന്ബലമാണ് പ്രധാനമായും ഇതിനു പിന്നില്. നാലാം ത്രൈമാസത്തില് സ്വര്ണ ഇടിഎഫുകളുടെ നിക്ഷേപ ആവശ്യത്തിന്റെ കാര്യത്തില് ഗണ്യമായ കുറവും ഉണ്ടായി. സ്വര്ണ ബാറുകളുടെയും നാണയങ്ങളുടെയും കാര്യത്തില് 10 ശതമാനം വളര്ച്ചയാണ് നാലാം ത്രൈമാസത്തില് ഉണ്ടായത്. 2020ന്റെ രണ്ടാം പകുതിയില് ഇന്ത്യയിലും ചൈനയിലും ഉണ്ടായ തിരിച്ചുവരവ് ഇതിനു സഹായകമായി. സ്വര്ണത്തിന്റെ ആകെ വാര്ഷിക ലഭ്യത നാലു ശതമാനം ഇടിവോടെ 4,633 ടണ്ണിലെത്തി. 2013നു ശേഷമുള്ള ഏറ്റവും വലിയ ഇടിവാണിത്. കൊറോണ വൈറസ് മൂലം ഖനികളില് ഉണ്ടായ ഉല്പ്പാദന തടസങ്ങളാണ് ഇതിനു കാരണമായതെന്നും റിപോര്ട്ടില് പറയുന്നു.
A weak fourth quarter sets the seal on 11-year low for annual gold demand
RELATED STORIES
ആദിവാസി പെണ്കുട്ടി വനത്തിനുള്ളില് തൂങ്ങി മരിച്ച നിലയില്
21 April 2024 5:39 AM GMTമറുപടി പറഞ്ഞാല് തെളിവുകള് പുറത്തുവിടും; ലീഗ് നേതാക്കളെ...
20 April 2024 9:16 AM GMTകല്പ്പറ്റയില് സ്കൂട്ടര് താഴ്ചയിലേക്ക് മറിഞ്ഞ് മെഡിക്കല്...
18 April 2024 1:15 AM GMTമാധ്യമപ്രവര്ത്തകന് പാലോളി കുഞ്ഞിമുഹമ്മദ് അന്തരിച്ചു
17 April 2024 9:09 AM GMTമക്കയില് ഇഫ്താര് സുപ്രയിലേക്ക് കാര് ഇടിച്ചുകയറി മലപ്പുറം സ്വദേശി...
22 March 2024 4:17 AM GMTപേരാമ്പ്ര അനു കൊലക്കേസ്: പ്രതിയെ നാലുദിവസം പോലിസ് കസ്റ്റഡിയില്വിട്ടു
19 March 2024 8:26 AM GMT