വയനാട് ജില്ലയില്‍ 322 പേര്‍ക്ക് കൂടി കൊവിഡ്; 179 പേര്‍ക്ക് രോഗമുക്തി
കല്‍പ്പറ്റ: വയനാട് ജില്ലയില്‍ ഇന്ന് 322 പേര്‍ക്ക് കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ. ആര്‍ രേണുക അറിയിച്ചു. 179 പേര്‍ രോഗമുക്തി നേടി. ആറ് ആരോഗ്യ പ്രവര്‍ത്തകര്‍ ഉള്‍പ്പെടെ 319 പേര്‍ക്ക് സമ്പര്‍ക്കത്തിലൂടെയാണ് രോഗബാധ. അതില്‍ 16 പേരുടെ സമ്പര്‍ക്ക ഉറവിടം വ്യക്തമല്ല. വിദേശത്ത് നിന്ന് എത്തിയ മൂന്ന് പേര്‍ക്കും രോഗം സ്ഥിരീകരിച്ചു. ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ ആകെ എണ്ണം 20881 ആയി. 17588 പേര്‍ ഇതുവരെ രോഗമുക്തരായി. ചികിത്സയിലിരിക്കെ 129 മരണം. നിലവില്‍ 3164 പേരാണ് ചികില്‍സയിലുള്ളത്. ഇവരില്‍ 2362 പേര്‍ വീടുകളിലാണ് ഐസൊലേഷനില്‍ കഴിയുന്നത്.
രോഗം സ്ഥിരീകരിച്ചവര്‍
എടവക സ്വദേശികള്‍ 34, മാനന്തവാടി 29, വെള്ളമുണ്ട 27, മേപ്പാടി 26, മീനങ്ങാടി 25, നെന്മേനി 24, തവിഞ്ഞാല്‍ 19, പനമരം 17, തരിയോട് 13, പൂതാടി, കല്‍പ്പറ്റ, ബത്തേരി 12 പേര്‍ വീതം, മൂപ്പൈനാട്, പൊഴുതന 11 പേര്‍ വീതം, നൂല്‍പ്പുഴ, പടിഞ്ഞാറത്തറ 9 പേര്‍ വീതം, വൈത്തിരി 7, മുട്ടില്‍ 6, കണിയാമ്പറ്റ 5, വെങ്ങപ്പള്ളി 4, തിരുനെല്ലി 3, പുല്‍പള്ളി, അമ്പലവയല്‍ 2 പേര്‍ വീതം എന്നിങ്ങനെയാണ് സമ്പര്‍ക്കത്തിലൂടെ രോഗബാധിതരായത്. ദുബയില്‍ നിന്നും വന്ന നൂല്‍പ്പുഴ സ്വദേശിക്കും രണ്ട് മേപ്പാടി സ്വദേശി കള്‍ക്കും രോഗം സ്ഥിരീകരിച്ചിട്ടുണ്ട്.
179 പേര്‍ക്ക് രോഗമുക്തി
മാനന്തവാടി സ്വദേശികള്‍ 4, പടിഞ്ഞാറത്തറ 3, നെന്മേനി 2, കണിയാമ്പറ്റ, മീനങ്ങാടി, ബത്തേരി, അമ്പലവയല്‍, എടവക, മേപ്പാടി, പൊഴുതന, തവിഞ്ഞാല്‍, മുള്ളന്‍കൊല്ലി, വെള്ളമുണ്ട, പൂതാടി സ്വദേശികളായ ഓരോരുത്തരും രണ്ട് തമിഴ്‌നാട് സ്വദേശികളും വീടുകളില്‍ ചികില്‍സയിലുള്ള 157 പേരുമാണ് രോഗമുക്തി നേടിയത്.
562 പേര്‍ പുതുതായി നിരീക്ഷണത്തില്‍
കൊവിഡുമായി ബന്ധപ്പെട്ട് ജില്ലയില്‍ ഇന്ന് പുതുതായി നിരീക്ഷണത്തിലായത് 562 പേരാണ്. 750 പേര്‍ നിരീക്ഷണക്കാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 8707 പേര്‍. ഇന്ന് വന്ന 70 പേര്‍ ഉള്‍പ്പെടെ 383 പേര്‍ ആശുപത്രിയില്‍ നിരീക്ഷണത്തിലാണ്. ജില്ലയില്‍ നിന്ന് ഇന്ന് 2042 സാംപിളുകളാണ് പരിശോധനയ്ക്ക് അയച്ചത്. ഇതുവരെ പരിശോധനയ്ക്ക് അയച്ച 239703 സാംപിളുകളില്‍ 236315 പേരുടെ ഫലം ലഭിച്ചു. ഇതില്‍ 215434 നെഗറ്റീവും 20881 പോസിറ്റീവുമാണ്.
