വയനാട് ജില്ലയില്‍ ഇന്ന് 145 പേര്‍ക്ക് കൂടി കൊവിഡ്

കല്‍പ്പറ്റ: വയനാട് ജില്ലയില്‍ ഇന്ന് 145 പേര്‍ക്ക് കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ. ആര്‍ രേണുക അറിയിച്ചു. 217 പേര്‍ രോഗമുക്തി നേടി. 144 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഇതര സംസ്ഥാനത്ത് നിന്നെത്തിയ ഒരാള്‍ക്കും രോഗം സ്ഥിരീകരിച്ചു. അഞ്ച് ആരോഗ്യ പ്രവര്‍ത്തകര്‍ക്കും കോവിഡ് ബാധിച്ചു. ഒരാളുടെ സമ്പര്‍ക്ക ഉറവിടം ലഭ്യമല്ല. ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ ആകെ എണ്ണം 25333 ആയി. 23393 പേര്‍ ഇതുവരെ രോഗമുക്തരായി. നിലവില്‍ 1705 പേരാണ് ചികില്‍സയിലുള്ളത്. ഇവരില്‍ 1395 പേര്‍ വീടുകളിലാണ് ഐസൊലേഷനില്‍ കഴിയുന്നത്.

രോഗം സ്ഥിരീകരിച്ചവര്‍

ബത്തേരി 39 പേര്‍, എടവക, പനമരം 13 പേര്‍ വീതം, മുട്ടില്‍ 12 പേര്‍, പുല്‍പ്പള്ളി 9 പേര്‍, അമ്പലവയല്‍ 8 പേര്‍, മാനന്തവാടി 7 പേര്‍, കല്‍പ്പറ്റ, മുള്ളന്‍കൊല്ലി, പൂതാടി 5 പേര്‍ വീതം, നെന്മേനി, തവിഞ്ഞാല്‍, വെള്ളമുണ്ട, വൈത്തിരി 4 പേര്‍ വീതം, വെങ്ങപ്പള്ളി 3 പേര്‍,

മീനങ്ങാടി, മേപ്പാടി 2 പേര്‍ വീതം, കണിയാമ്പറ്റ,

നൂല്‍പ്പുഴ, പൊഴുതന, തിരുനെല്ലി, തൊണ്ടര്‍നാട് സ്വദേശികളായ ഓരോരുത്തരുമാണ് സമ്പര്‍ക്കത്തിലൂടെ രോഗ ബാധിതരായത്. കര്‍ണാടകയില്‍ നിന്നും വന്ന വൈത്തിരി സ്വദേശിയാണ് ഇതര സംസ്ഥാനത്ത് നിന്നുമെത്തി രോഗബാധിതരായത്.

217 പേര്‍ക്ക് രോഗമുക്തി

ബത്തേരി, കല്‍പ്പറ്റ സ്വദേശികളായ 4 പേര്‍ വീതം, മുള്ളന്‍കൊല്ലി, പൊഴുതന 3 പേര്‍ വീതം,

അമ്പലവയല്‍, പുല്‍പ്പള്ളി, തവിഞ്ഞാല്‍, വെങ്ങപ്പള്ളി 2 പേര്‍ വീതം, മൂപ്പൈനാട്, നെന്മേനി, തരിയോട്, തൊണ്ടര്‍നാട്, മാനന്തവാടി, പൂതാടി, എടവക, കോട്ടത്തറ സ്വദേശികളായ ഓരോരുത്തരും, രണ്ട് തമിഴ്‌നാട് സ്വദേശികളും, വീടുകളില്‍ ചികിത്സയിലുള്ള 185 പേരുമാണ് രോഗമുക്തി നേടിയത്.

461 പേര്‍ പുതുതായി നിരീക്ഷണത്തില്‍

കോവിഡുമായി ബന്ധപ്പെട്ട് ജില്ലയില്‍ ഇന്ന് (14.02.21) പുതുതായി നിരീക്ഷണത്തിലായത് 461 പേരാണ്. 476 പേര്‍ നിരീക്ഷണക്കാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 6468 പേര്‍. ഇന്ന് പുതുതായി 36 പേര്‍ ആശുപത്രിയില്‍ നിരീക്ഷണത്തിലായി. ജില്ലയില്‍ നിന്ന് ഇന്ന് 1115 സാമ്പിളുകളാണ് പരിശോധനയ്ക്ക് അയച്ചത്. ഇതുവരെ പരിശോധനയ്ക്ക് അയച്ച 269390 സാമ്പിളുകളില്‍ 267069 പേരുടെ ഫലം ലഭിച്ചു. ഇതില്‍ 241736 നെഗറ്റീവും 25333 പോസിറ്റീവുമാണ്.

Covid: 145 more today in Wayanad district