മൃഗാശുപത്രിയിലേക്ക് സാനിറ്റൈസര്‍ സ്റ്റാന്‍ഡ് (ഹാന്‍ഡ് ഫ്രീ) നല്‍കി

മാള: എന്റെ പുത്തന്‍ചിറ ആന്റി ഡ്രഗ്‌സ് കോ ഓര്‍ഡിനേഷന്‍ ട്രസ്റ്റ് പുത്തന്‍ചിറ മൃഗാശുപത്രിയിലേക്ക് സാനിറ്റൈസര്‍ സ്റ്റാന്‍ഡ് (ഹാന്‍ഡ് ഫ്രീ) നല്‍കി. ആശുപത്രി പരിസരത്ത് കൊവിഡ് മാനദണ്ഡം പാലിച്ച് നടന്ന ലളിതമായ ചടങ്ങില്‍ വെറ്ററിനറി മെഡിക്കല്‍ ഓഫിസര്‍ ഡോക്ടര്‍ സരിന് ട്രസ്റ്റ് പ്രസിഡന്റ് നസീര്‍ പാണ്ടികശാല സ്റ്റാന്‍ഡ് കൈമാറി. സെക്രട്ടറി മധു കുമ്പളത്ത്, ട്രസ്റ്റ് രക്ഷാധികാരി ബിജു അഞ്ചേരി, ജോയിന്റ് സെക്രട്ടറി സജി ഫൈസല്‍, കമ്മിറ്റി അംഗം താജുദ്ദീന്‍ വഴക്കാമഠം, മീഡിയ കണ്‍വീനര്‍ അബ്ദുള്‍ഖാദര്‍ കുരിയപ്പിള്ളി സംബന്ധിച്ചു.