പൂപ്പത്തിയിലെ ഉപതിരഞ്ഞെടുപ്പില് 80.2 ശതമാനം പോളിങ്
മാള: പൊയ്യ ഗ്രാമപ്പഞ്ചായത്തിലെ അഞ്ചാം വാര്ഡ് പൂപ്പത്തിയില് ഇന്നലെ നടന്ന ഉപതിരഞ്ഞെടുപ്പില് 80.2 ശതമാനം പോളിങ്. രണ്ട് ബൂത്തുകളിലായി ആകെയുള്ള 1500 വോട്ടര്മാരില് 1203 വോട്ടര്മാര് തങ്ങളുടെ സമ്മതിദാനാവകാശം വിനിയോഗിച്ചു. വാര്ഡംഗമായിരുന്ന സി പി എമ്മിലെ സിന്ധു ജോയ് തല്സ്ഥാനം രാജിവച്ചപ്പോഴാണ് ഈ വാര്ഡില് ഉപതിരഞ്ഞെടുപ്പ് വേണ്ടി വന്നത്. എല്ഡിഎഫിലെ അനു ഗോപി, യു ഡി എഫിലെ സജിത ടൈറ്റസ്, എന്ഡിഎയിലെ അനില സുനില് എന്നിവര് തമ്മിലായിരുന്നു മൽസരം. കഴിഞ്ഞ തിരഞ്ഞെടുപ്പില് സിന്ധു ജോയ് 169 വോട്ടുകളുടെ ഭൂരിപക്ഷത്തിലാണ് വിജയിച്ചത്. എന്നാല് കഴിഞ്ഞ ലോക്സഭാ തിരഞ്ഞെടുപ്പില് യുഡിഎഫിന് ഈ വാര്ഡില് 202 വോട്ടുകളുടെ ഭൂരിപക്ഷമുണ്ടായിരുന്നു. വാര്ഡില് മൂന്ന് സ്ഥാനാര്ത്ഥികള്ക്കും വ്യക്തിപരമായ വോട്ടുകള് ഏറെയുണ്ട്. അതിനാല് വളരെ നിര്ണ്ണായകമായ അവസ്ഥയാണ്. ഒപ്പത്തിനൊപ്പമുള്ള പ്രവര്ത്തനമാണ് ഇരുമുന്നണികളും തിരഞ്ഞെടുപ്പ് പ്രചാരണ വേളയില് നടത്തിയിരുന്നത്. എല്ഡിഎഫിന് വ്യക്തമായ ഭൂരിപക്ഷമുള്ളതിനാല് വാര്ഡിലെ തിരഞ്ഞെടുപ്പ് ഫലം എന്തായാലും ഭരണത്തെ ബാധിക്കില്ല. എന്നാല് ഭരണത്തിന്റെ വിലയിരുത്തല് കൂടിയായതിനാല് എല്ഡിഎഫിന് നിര്ണ്ണായകമാണീ തിരഞ്ഞെടുപ്പ്. അതേസമയം യുഡിഎഫിന് അഭിമാന പ്രശ്നമാണിത്. ഗ്രാമപ്പഞ്ചായത്ത് ഭരണസമിതിയിലെ ആകെയുള്ള 15 അംഗങ്ങളില് എല്ഡിഎഫ് ഒമ്പത്, യുഡിഎഫ് നാല്, ബിജെപി ഒന്ന് എന്നീ ക്രമത്തിലാണ് അംഗങ്ങളുള്ളത്. വോട്ടെണ്ണല് ഇന്ന് രാവിലെ 10 ന് ഗ്രാമപ്പഞ്ചായത്ത് ഹാളില് നടക്കും.
RELATED STORIES
മമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMTപട്നയില് ജെഡിയു നേതാവിനെ വെടിവച്ചുകൊന്നു
25 April 2024 5:32 AM GMTരാമക്ഷേത്രവുമായി ബന്ധപ്പെട്ട പരാമര്ശം: മോദിയുടെ പ്രസംഗത്തില്...
25 April 2024 5:18 AM GMTഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTലോക്സഭ തിരഞ്ഞെടുപ്പ് രണ്ടാംഘട്ടത്തിന് മൂന്ന് ദിവസം മാത്രം ശേഷിക്കെ...
24 April 2024 11:56 AM GMT