വിയ്യൂര്‍ ജില്ലാ ജയിലിലെ 30 തടവുകാര്‍ക്ക് കൊവിഡ്

തൃശൂര്‍: വിയ്യൂര്‍ ജില്ലാ ജയിലില്‍ കൊവിഡ് വ്യാപനം. 30 തടവുകാര്‍ക്ക് രോഗം സ്ഥിരീകരിച്ചു. ഇതില്‍ ഒരാളെ മുളങ്കുന്നത്തുകാവ് മെഡിക്കല്‍ കോളജിലേക്കും ശേഷിക്കുന്ന 29 പേരെ കൊവിഡ് പ്രാഥമിക ചികില്‍സാ കേന്ദ്രത്തിലേക്കും മാറ്റി.

രോഗവ്യാപനം രൂക്ഷമായതിനാല്‍ ശേഷിക്കുന്നവര്‍ക്ക് കൂടി അടുത്ത ദിവസം പരിശോധന നടത്തിയേക്കുമെന്നാണ് വിവരം. ജില്ലയിലാകെ കൊവിഡ് രോഗികളുടെ എണ്ണം കൂടുകയാണ്. കഴിഞ്ഞ ദിവസം 3,214 പേര്‍ക്കാണ് രോഗം സ്ഥിരീകരിച്ചത്. ഇതെത്തുടര്‍ന്ന് പലയിടത്തും ജില്ലാ ഭരണകൂടം നിയന്ത്രണങ്ങള്‍ കടുപ്പിച്ചിട്ടുണ്ട്.