യുവാക്കളെ കോഴിഫാമിൽ മരിച്ചനിലയിൽ കണ്ടെത്തി

പത്തനംതിട്ട: റാന്നി ജണ്ടായിക്കലിൽ കോഴിഫാമിൽ രണ്ട് യുവാക്കളെ മരിച്ച നിലയിൽ കണ്ടെത്തി. മുഴിക്കൽ പുതുപറമ്പിൽ ബൈജു, കാവും തലക്കൽ നിജിൽ എന്നിവരാണ് മരിച്ചത്. നിജിലിന്റെ ഉടമസ്ഥതയിലുള്ള ഫാമാണിത്. ഷോക്കേറ്റതാണ് അപകട കാരണമെന്നാണ് പ്രാഥമിക നിഗമനം. ഇന്നു രാവിലെയാണ് ഇരുവരേയും മരിച്ച നിലയിൽ കണ്ടത്. പോലിസെത്തി പ്രാഥമിക നടപടികൾ പൂർത്തിയാക്കി മൃതദേഹങ്ങൾ പോസ്റ്റുമോർട്ടത്തിനായി പത്തനംതിട്ട ജനറൽ ആശുപത്രിയിലേക്ക് മാറ്റി.