എസ്ഡിപിഐ ജില്ലാതല നേതൃത്വ പരിശീലനം സംഘടിപ്പിച്ചു

പത്തനംതിട്ട: എസ്ഡിപിഐ പത്തനംതിട്ട ജില്ലാ കമ്മിറ്റിയുടെ നേതൃത്വത്തില്‍ ലീഡര്‍ഷിപ്പ് ട്രെയിനിങ് (ലീഡ്-1) സംഘടിപ്പിച്ചു. ചുങ്കപ്പാറ തടത്തില്‍ ബില്‍ഡിംഗ് ഹാളില്‍ സംഘടിപ്പിച്ച ക്യാംപില്‍ ബ്രാഞ്ച് തലം മുതല്‍ ജില്ലാ കമ്മിറ്റി ഭാരവാഹികള്‍ വരെ പങ്കെടുത്തു. സംസ്ഥാന ജനറല്‍ സെക്രട്ടറി റോയ് അറയ്ക്കല്‍ നേതൃത്വ പരിശീലനത്തിന്റെ ജില്ലാതല ഉദ്ഘാടനം നിര്‍വഹിച്ചു. ജില്ലാ പ്രസിഡന്റ് എസ് മുഹമ്മദ് അനീഷ് അധ്യക്ഷത വഹിച്ചു.

സംസ്ഥാന പ്രവര്‍ത്തകസമിതി അംഗങ്ങളായ ഡോ. സി എച്ച് അഷ്‌റഫ്, ജോര്‍ജ് മുണ്ടക്കയം, പി എം അഹമ്മദ് എന്നിവര്‍ ക്ലാസ്സുകള്‍ക്ക് നേതൃത്വം നല്‍കി. ജില്ലാ വൈസ് പ്രസിഡന്റ് അഭിലാഷ് റാന്നി, ജനറല്‍ സെക്രട്ടറി ഓര്‍ഗനൈസര്‍ ഷെയ്ഖ് നജീര്‍, ട്രഷറര്‍ ഷാജി കോന്നി, ജില്ലാ സെക്രട്ടേറിയറ്റ് അംഗം എം ഡി ബാബു, ജില്ലാ കമ്മിറ്റി അംഗങ്ങളായ സുധീര്‍ കോന്നി, സിയാദ് നിരണം, അഡ്വ. അബ്ദുല്‍ നാസര്‍ സംബന്ധിച്ചു. അഭിഭാഷകനായി എന്റോള്‍ ചെയ്ത അഡ്വ.എം കെ നിസാമുദ്ധീനെ ചടങ്ങില്‍ സംസ്ഥാന ജനറല്‍ സെക്രട്ടറി റോയ് അറയ്ക്കല്‍ മൊമെന്റോ നല്‍കി ആദരിച്ചു.