കെട്ടിട നിര്‍മാണത്തിനിടെ പലക ഒടിഞ്ഞു; രണ്ട് തൊഴിലാളികള്‍ കിണറ്റില്‍ വീണ് മരിച്ചു

പാലക്കാട്: ശ്രീകൃഷ്ണപുരത്ത് കെട്ടിടനിര്‍മാണത്തിനിടെ രണ്ട് അന്തര്‍ സംസ്ഥാന തൊഴിലാളികള്‍ കിണറ്റില്‍ വീണ് മരിച്ചു. പശ്ചിമ ബംഗാള്‍ സ്വദേശികളായ ഷമല്‍ ബര്‍മന്‍, ധനകുത്ത് വാല എന്നിവരാണ് മരിച്ചത്. ഇന്ന് വൈകുന്നേരമായിരുന്നു സംഭവം. കെട്ടിട നിര്‍മാണ ജോലി നടക്കുന്നതിനിടെ തട്ടിന്റെ പലക തകരുകയായിരുന്നു.

തൊഴിലാളികള്‍ സമീപത്തുണ്ടായിരുന്ന കിണറ്റിലേക്കാണ് വീണത്. 20 അടിയോളം ഉയരമുള്ള കെട്ടിടത്തിന് മുകളില്‍നിന്നാണ് ഇരുവരും കിണറിലേക്ക് പതിച്ചത്. അഗ്‌നിശമനസേനയും നാട്ടുകാരും ചേര്‍ന്ന് ഇവരുവരെയും പുറത്തെത്തിച്ചു. തുടര്‍ന്ന് ഇവരെ ഉടന്‍തന്നെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.