വിസ്ഡം 'ട്രീറ്റ്' വിശപ്പ് രഹിത ഭവനം പദ്ധതി; ലോഗോ പ്രകാശനം ചെയ്തു

പെരിന്തല്‍മണ്ണ: കൊവിഡ് മഹാമാരിയില്‍ തൊഴില്‍, സാമ്പത്തികരംഗത്തെ പ്രതിസന്ധി അതിരൂക്ഷമായ സാഹചര്യത്തില്‍ 'വിശപ്പ് രഹിത വീട്' എന്ന സന്ദേശവുമായി വിസ്ഡം യൂത്ത് സംസ്ഥാന വ്യാപകമായി സംഘടിപ്പിക്കുന്ന ട്രീറ്റ് പദ്ധതിയുടെ ലോഗോ പ്രകാശനം നജീബ് കാന്തപുരം എംഎല്‍എ നിര്‍വഹിച്ചു.

ദരിദ്രരായ പട്ടിണി പാവങ്ങള്‍ക്ക് ആശ്വാസമായി രൂപപ്പെടുത്തിയതാണ് ഈ പദ്ധതി. ഓരോ മാസവും ഒരു കടയില്‍നിന്ന് ഭക്ഷണ വിഭവങ്ങള്‍ക്കാവശ്യമായ സാധനങ്ങള്‍ സൗജന്യമായി വാങ്ങാന്‍ സൗകര്യപ്പെടുത്തിയാണ് ഈ പദ്ധതി ആവശ്യക്കാര്‍ക്ക് ലഭ്യമാക്കുക. അതിനായി ഉദാരമതികളില്‍നിന്നുള്ള സാമ്പത്തിക സഹായം കടകളിലെത്തിച്ച് നല്‍കും. പതിനായിരങ്ങള്‍ക്കുപകാരപ്പെടുന്ന പദ്ധതി വിസ്ഡം യൂത്ത് യൂണിറ്റുകള്‍ കേന്ദ്രീകരിച്ച് നടക്കും. ആഗസ്ത് 20 നു പദ്ധതി പ്രഖ്യാപന സമ്മേളനം നടക്കും