പുഴയില്‍ വീണ സഹോദരിയെ രക്ഷിക്കാന്‍ ശ്രമിക്കുന്നതിനിടെ വിദ്യാര്‍ഥി മുങ്ങി മരിച്ചു
6 Nov 2021 11:43 AM GMT
മലപ്പുറം: പുഴയില്‍ വീണ സഹോദരിയെ രക്ഷപ്പെടുത്താന്‍ ശ്രമിക്കുന്നതിനിടെ വിദ്യാര്‍ഥി മുങ്ങി മരിച്ചു. പൊന്നാനി താലൂക്ക് മാറഞ്ചേരി പഞ്ചായത്ത് പുറങ് സ്വദേശി പണിക്കവീട്ടില്‍ ഫൈസലിന്റെ മകന്‍ സിനാന്‍ (14) ആണ് മരിച്ചത്.
ഇന്ന് ഉച്ചയോടെ പൊന്നാനി പുളിക്കക്കടവ് തൂക്കുപാലത്തിന് സമീപമാണ് അപകടമുണ്ടായത്. കാഞ്ഞിരമുക്ക് പുഴയിലേക്ക് കാല്‍ വഴുതിവീണ സഹോദരി ഫാത്തിമ ദിയയെ രക്ഷപ്പെടുത്താന്‍ ശ്രമിക്കുന്നതിനിടെ സിനാന്‍ മുങ്ങിത്താഴുകയായിരുന്നു. മാതാവ്: സമീറ. സഹോദരങ്ങള്‍: ഫാത്തിമ ദിയ, ഫിദ.
Next Story
