ശ്രീറാം വെങ്കിട്ടരാമനെ കലക്ടറാക്കിത് അത്യന്തം അപലപനീയം: താനൂര്‍ പ്രസ് റിപോര്‍ട്ടേഴ്‌സ് ക്ലബ്

താനൂര്‍: മാധ്യമപ്രവര്‍ത്തകന്‍ കെ എം ബഷീറിന്റെ കൊലപാതകത്തില്‍ കുറ്റാരോപിതനായ ശ്രീറാം വെങ്കിട്ടരാമനെ ആലപ്പുഴ ജില്ലാ കലക്ടറായി നിയമനം നല്‍കിയ നടപടി അത്യന്തം അപലപനീയവും നീതിന്യായ വ്യവസ്ഥയെ വെല്ലുവിളിക്കുന്നതുമാണെന്ന് താനൂര്‍ പ്രസ് റിപോര്‍ട്ടേഴ്‌സ് ക്ലബ് അഭിപ്രായപ്പെട്ടു.

കളങ്കിതനായ ഐഎഎസ്സുകാരനെ വിധി വരുന്നതുവരെയെങ്കിലും നിര്‍ണായക പദവികളില്‍ നിന്ന് മാറ്റിനിര്‍ത്തേണ്ട ബാധ്യത സര്‍ക്കാരിനുണ്ട്. കുറ്റാരോപിതന് കൂടുതല്‍ പരിഗണന നല്‍കും വിധമാണ് സാര്‍ക്കാര്‍ നിലപാടെടുത്തതെന്ന് പ്രസ് റിപോര്‍ട്ടേഴ്‌സ് ക്ലബ് നടത്തിയ പ്രതിഷേധ സംഗമം അഭിപ്രായപ്പെട്ടു.

സീനിയര്‍ റിപോര്‍ട്ടര്‍ ഉബൈദുല്ല താനാളൂര്‍ ഉദ്ഘാടനം ചെയ്തു. പ്രസിഡന്റ് അഫ്‌സല്‍ കെ പുരം അധ്യക്ഷത വഹിച്ചു. പ്രസ്‌ക്ലബ് സെക്രട്ടറി പി പ്രേമനാഥന്‍, ബൈജു അരിക്കാഞ്ചിറ സംസാരിച്ചു. ഷബീര്‍, ഇസ്ഹാഖ്, ബാപ്പു വടക്കയില്‍, വിജയന്‍, പി മുഹമ്മദ് ഫായിസ്, ഇബ്രാഹിം, യാസീന്‍, പി പ്രകാശ്, റസാഖ് തെക്കയില്‍, സദഖത്തുല്ല കെ ഒ മുഹമ്മദ് ഷെഫീഖ് സംബന്ധിച്ചു.