പിക്കപ്പ് ജീപ്പ് കെട്ടിടത്തിലേയ്ക്ക് ഇടിച്ചുമറിഞ്ഞു

പരപ്പനങ്ങാടി: പുത്തന്‍പീടികയില്‍ പിക്കപ്പ് ജീപ്പ് അപകടത്തില്‍പ്പെട്ട് ഡ്രൈവറും കൂടെയുണ്ടായിരുന്ന സഹായിയും ചെറിയ പരുക്കോടെ അത്ഭുതകരാമായി രക്ഷപ്പെട്ടു. ഇന്നലെ പുലര്‍ച്ചെ മൂന്ന് മണിയോടെയാണ് അപകടം. തമിഴ്നാട്ടില്‍ നിന്നും തോണിയുമായി വന്ന് പരപ്പനങ്ങാടിയില്‍ ഇറക്കി തിരിച്ചുപോവുമ്പോഴാണ് അപകടം.

കെട്ടിടത്തിലേക്കിടിച്ച ശബ്ദം കേട്ട് സ്ഥലത്തെത്തിയ പ്രദേശവാസികളാണ് ഇരുവരെയും രക്ഷപ്പെടുത്തി തൊട്ടടുത്തെ ആശുപത്രിയില്‍ എത്തിച്ചത്. വാഹനത്തിന്റെ മുന്‍ഭാഗം പൂര്‍ണമായും തകര്‍ന്നു. കെട്ടിടത്തിലെ ഒരു റൂമിന്റെ ഷട്ടറും തൂണും തകര്‍ന്നിട്ടുണ്ട്. ഡ്രൈവര്‍ ഉറങ്ങിയതാവാനാണ് അപകടത്തിന് കാരണമെന്ന് പറയപ്പെടുന്നു