റെയില്വേ ലെവല്ക്രോസിലെ മേല്പ്പാലം നിര്മാണം: ഭരണാനുമതിക്കുള്ള നടപടികള് പുരോഗതിയിലെന്ന് എംഎല്എ
ഓരാടം പാലം മാനത്തുമംഗലം ബൈപ്പാസ് റോഡില് നിര്ദിഷ്ട റെയില്വേ മേല്പാലം ഏതുഭാഗത്താണെന്ന് തീരുമാനിക്കുന്നതിന് കാലതാമസം നേരിട്ടതാണ് ബന്ധപ്പെട്ട പ്രവര്ത്തനങ്ങള് വൈകുന്നതിന് കാരണമായത്.
പെരിന്തല്മണ്ണ: ദേശീയപാതയില്നിന്ന് ഓരാടം പാലം മാനത്തുമംഗലം ബൈപ്പാസ് നിര്മാണവുമായി ബന്ധപ്പെട്ട് ലെവല്ക്രോസിലെ മേല്പ്പാല നിര്മാണത്തിനുള്ള റെയില്വേയുടെ ഭരണാനുമതിക്കായുള്ള നടപടികള് പുരോഗതിയിലെന്ന് ടി എ അഹമ്മദ് കബീര് എംഎല്എ. ഓരാടം പാലം മാനത്തുമംഗലം ബൈപ്പാസ് റോഡില് നിര്ദിഷ്ട റെയില്വേ മേല്പാലം ഏതുഭാഗത്താണെന്ന് തീരുമാനിക്കുന്നതിന് കാലതാമസം നേരിട്ടതാണ് ബന്ധപ്പെട്ട പ്രവര്ത്തനങ്ങള് വൈകുന്നതിന് കാരണമായത്. മേല്പ്പാലനിര്മാണത്തിനുള്ള അലൈന്മെന്റ് സ്ഥിരപ്പെടുത്തിയിട്ടുണ്ട്.
അതേസമയം, മേല്പ്പാലം നിര്മിക്കുന്നതിനായി പൊതുമരാമത്ത് വകുപ്പ് പിഇ ചാര്ജ് ഇനത്തില് റെയില്വേയ്ക്ക് 16,23,800 രൂപ അടയ്ക്കേണ്ടതുണ്ട്. റെയില്വേ മേല്പ്പാലം നിര്മിക്കുന്നതിന് റെയില്വേ 8.11 കോടി രൂപയാണ് കണക്കാക്കിയിട്ടുള്ളത്. ഇതിന് ഭരണാനുമതി ലഭ്യമാവണമെങ്കില് പൊതുമരാമത്ത് വകുപ്പ് പിഇ ചാര്ജ് അടയ്ക്കണം. എങ്കില് മാത്രമേ തുടര്നടപടികളാവുകയുള്ളൂ. ഈ തുക അനുവദിച്ച് നല്കാന് ചീഫ് എന്ജിനീയര് പൊതുമരാമത്ത് പ്രിന്സിപ്പല് സെക്രട്ടറിക്ക് കത്ത് നല്കിയിട്ടുണ്ട്. 2019-20 സാമ്പത്തികവര്ഷം റെയില്വേ മേല്പാലങ്ങളുടെ പൂര്ത്തീകരണത്തിന് അനുവദിച്ച 12 കോടിയില് മറ്റു പദ്ധതികള്ക്ക് അനുവദിക്കാത്തതിനാല് ഈ ഹെഡില്നിന്നും തുക അനുവദിക്കണമെന്നാണ് ചീഫ് എന്ജിനീയര് ആവശ്യപ്പെട്ടിട്ടുള്ളത്.
RELATED STORIES
പ്രണയം നിരസിച്ചതിന് അരുംകൊല; വിഷ്ണുപ്രിയ കൊലക്കേസിൽ ശ്യാംജിത്ത്...
10 May 2024 7:01 AM GMTഅധിക പലിശ വാഗ്ദാനം ചെയ്ത് തട്ടിപ്പ്; യുവതി അറസ്റ്റിൽ
10 May 2024 6:59 AM GMTകെജ് രിവാളിന്റെ ജാമ്യ ഹരജിയിൽ സുപ്രിംകോടതി വിധി ഇന്ന്
10 May 2024 5:23 AM GMTമുംബൈ-പൂനെ എക്സ്പ്രസ് വേയില് അപകടം; മൂന്ന് മരണം
10 May 2024 5:22 AM GMTമേയര്-ഡ്രൈവര് തര്ക്കം; മെമ്മറി കാര്ഡ് കാണാതായ സംഭവത്തില്...
10 May 2024 5:03 AM GMTഒരു കോടി രൂപയുടെ ഓണ്ലൈന് തട്ടിപ്പ്; മുഖ്യകണ്ണി കര്ണാടകയില്...
9 May 2024 4:30 PM GMT