17കാരിയെ പീഡിപ്പിച്ച കേസില്‍ യുവാവ് അറസ്റ്റില്‍

പെരിന്തല്‍മണ്ണ: 17 വയസ്സുകാരിയെ പീഡിപ്പിച്ച് ഗര്‍ഭിണിയാക്കിയെന്ന കേസില്‍ യുവാവ് അറസ്റ്റിലായി. എരവിമംഗലം സ്വദേശി കുറ്റിക്കാട്ടുപറമ്പില്‍ രതീഷി (24) നെയാണ് പെരിന്തല്‍മണ്ണ പോലിസ് പട്ടാമ്പി റോഡില്‍നിന്നും അറസ്റ്റുചെയ്തത്. ഏപ്രില്‍ 25ന് ഇയാള്‍ പെണ്‍കുട്ടിയെ സ്‌കൂട്ടറില്‍ കയറ്റിക്കൊണ്ടുപോയി സ്വന്തം വീട്ടിലെത്തിച്ച് ലൈംഗികാതിക്രമത്തിന് വിധേയമാക്കിയെന്നാണ് പരാതി.

പെരിന്തല്‍മണ്ണ ശിശുവികസന പദ്ധതി ഓഫിസില്‍നിന്നുള്ള വിവരത്തെ തുടര്‍ന്ന് കുട്ടിയുടെ മൊഴി രേഖപ്പെടുത്തുകയും പോക്‌സോ വകുപ്പുകള്‍ പ്രകാരം കേസെടുക്കുകയും ചെയ്തിരുന്നു. രണ്ടുമാസം ഗര്‍ഭിണിയായ പെണ്‍കുട്ടിയെ ചൈല്‍ഡ് വെല്‍ഫെയര്‍ കമ്മിറ്റി സംരക്ഷണ കേന്ദ്രത്തിലേക്ക് മാറ്റി.