പെരിന്തല്‍മണ്ണയില്‍ ശുചീകരണവും അണുവിമുക്തമാക്കലും എടിഎം കൗണ്ടറുകളിലും

പെരിന്തല്‍മണ്ണ: സിവില്‍ ഡിഫന്‍സ് ഫോഴ്‌സിന്റെയും ഫയര്‍ഫോഴ്‌സ് പെരിന്തല്‍മണ്ണ യൂനിറ്റിന്റെയും ആഭിമുഖ്യത്തില്‍ ജില്ലാ ആശുപത്രിയും എടിഎം കൗണ്ടറുകളും അണുവിമുക്തമാക്കി. സ്റ്റേഷന്‍ ഓഫിസര്‍ കെ ബാബുരാജ്, സിവില്‍ ഡിഫന്‍സ് വളണ്ടിയര്‍മാര്‍ എന്നിവര്‍ നേതൃത്വം നല്‍കി.

അമ്മമാരുടെയും കുട്ടികളുടെയും ആശുപത്രി, എടിഎം കൗണ്ടറുകള്‍, അങ്ങാടിപ്പുറം മുതല്‍ പെരിന്തല്‍മണ്ണ വരെയുള്ള ബസ് സ്റ്റോപ്പുകള്‍ എന്നിവയാണ് അണുവിമുക്തമാക്കിയത്. ആശുപത്രി സൂപ്രണ്ട്, സ്റ്റാഫ് കൗണ്‍സില്‍ എന്നിവര്‍ ഫയര്‍ഫോഴ്സ് ജീവനക്കാരുടെ പ്രവര്‍ത്തനത്തിന് അഭിനന്ദനം അറിയിച്ചു.