മൂടാടിയില്‍ യുവതിയും യുവാവും ട്രെയിന്‍ തട്ടി മരിച്ച നിലയില്‍

കൊയിലാണ്ടി (കോഴിക്കോട്): മൂടാടിയില്‍ യുവാവിനെയും യുവതിയെയും ട്രെയിന്‍ തട്ടി മരിച്ച നിലയില്‍ കണ്ടെത്തി. ഇന്ന് ഉച്ചയോടെ മൂടാടി വെള്ളറക്കാട് സ്റ്റേഷന് തെക്കു ഭാഗത്ത് റെയില്‍വേ പാളത്തിലാണ് ഇരുവരെയും മരിച്ച നിലയില്‍ കണ്ടെത്തിയത്. കൊല്ലം സ്വദേശിയായ റനീഷ് (34), മുച്ചുക്കുന്ന് വിയ്യൂര്‍ സ്വദേശിയായ ഷിജി (38) എന്നിവരാണ് മരിച്ചതെന്നാണ് പ്രാഥമിക വിവരം.

ഇന്ന് ഉച്ചയ്ക്ക് രണ്ടുമണിയോടെയാണ് ട്രെയിന്‍ തട്ടി മരിച്ച നിലയില്‍ മൃതദേഹങ്ങള്‍ കണ്ടെത്തിയത്. ഇവരെ നേരത്തെ കാണാനില്ലെന്ന് പരാതിയുണ്ടായിരുന്നതായി അറിയുന്നു. കൊയിലാണ്ടി പോലിസ് സ്ഥലത്തെത്തി ഇന്‍ക്വസ്റ്റ് പൂര്‍ത്തീകരിച്ച് മൃതദേഹം പോസ്റ്റ്‌മോര്‍ട്ടത്തിനായി മെഡിക്കല്‍ കോളജിലേക്ക് മാറ്റും.