പേവിഷബാധയേറ്റ് ചികില്‍സയിലായിരുന്ന യുവതി മരിച്ചു

ഫറോക്ക്: പേവിഷബാധയേറ്റ് മെഡിക്കല്‍ കോളജില്‍ ചികിത്സയിലായിരുന്ന യുവതി മരിച്ചു. ചെറുവണ്ണൂര്‍ സന്ദീപ് ഉണ്ണികൃഷ്ണന്‍ റോഡിലെ കൊല്ലേരി താഴം പാടം ലക്ഷമി നിവാസില്‍ മായനാട് ഷീബ കുമാരി (42) ചൊവ്വാഴ്ച കോഴിക്കോട് മെഡിക്കല്‍ കോളജില്‍ ചികിത്സയിലിരിക്കെ മരിച്ചത്.

രോഗലക്ഷണങ്ങളോടെ ശനിയാഴ്ചയാണ് ഇവരെ ആശുപത്രിയില്‍ പ്രവേശിപ്പിച്ചത്. ചെറുവണ്ണൂര്‍ സാമൂഹിക കുടുംബ ആരോഗ്യ കേന്ദ്രത്തിലെ ആരോഗ്യ വിഭാഗം പ്രവര്‍ത്തകര്‍ വിട്ടിലെത്തി വിട്ടുകാര്‍ ഉള്‍പ്പെടെ പ്രതിരോധ നടപടികളും ബോധവത്ക്കരണ ക്ലാസും നടത്തി.

പിതാവ്: പ്രഭാകരന്‍. മാതാവ്: കുഞ്ഞിലക്ഷ്മി. സഹോദരങ്ങള്‍: സുനില്‍ കുമാര്‍, ശര്‍മിളകുമാരി.