മെഡിക്കല്‍ കോളജില്‍ സുരക്ഷ ഉറപ്പാക്കണം: എസ്ഡിപിഐ

കോഴിക്കോട്: കോഴിക്കോട് മെഡിക്കല്‍ കോളജില്‍ രോഗികളുടെ സുരക്ഷ ഉറപ്പാക്കണമെന്ന് എസ്ഡിപിഐ ജില്ലാ വൈസ് പ്രസിഡന്റ് വാഹിദ് ചെറുവറ്റ ആവശ്യപ്പെട്ടു. മെഡിക്കല്‍ കോളജിലെ നിരന്തര അനാസ്ഥയ്‌ക്കെതിരെ ജില്ലാ കമ്മിറ്റി സംഘടിപ്പിച്ച പ്രതിഷേധ മാര്‍ച്ച് ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ സെക്രട്ടറി റഹ്‌മത്ത് നെല്ലൂളി അധ്യക്ഷത വഹിച്ചു .

ജില്ലാ പ്രവര്‍ത്തക സമിതി അംഗങ്ങളായ ടി പി മുഹമ്മദ്, റഷീദ് പി , വിമണ്‍ ഇന്ത്യ മൂവ്‌മെന്റ് ജില്ലാ സെക്രട്ടറി ശബ്‌ന തച്ചംപൊയില്‍, എസ്ഡിടിയു ജില്ലാ സെക്രട്ടറി സിദ്ധീഖ് കരുവം പൊയില്‍ , മണ്ഡലം നേതാക്കളായ ഹനീഫ പാലാഴി, സഹദ് മായനാട്, യൂസുഫ് ടി പി , നവാസ് ബാലുശ്ശേരി എന്നിവര്‍ സംസാരിച്ചു.