മുസ്‌ലിം ലീഗ് നേതാവ് പി ശാദുലി നിര്യാതനായി

കോഴിക്കോട്: മുസ്‌ലിം ലീഗ് നേതാവ് പി ഷാദുലി(72) നിര്യാതനായി. രാത്രി പത്തുമണിയോടെയായിരുന്നു അന്ത്യം. വാര്‍ധക്യ സഹജമായ അസുഖത്തെ തുടര്‍ന്ന് വിശ്രമത്തിലായിരുന്നു. മുസ്‌ലിം ലീഗ് കോഴിക്കോട് ജില്ലാ വൈസ് പ്രസിഡന്റും നാദാപുരം മുന്‍ പഞ്ചായത്ത് പ്രസിഡന്റുമായിരുന്ന പി ഷാദുലി 1991ല്‍ നാദാപുരത്ത് യുഡിഎഫ് സ്ഥാനാര്‍ഥിയായി മത്സരിച്ചിരുന്നു.

പ്രമുഖ കര്‍മശാസ്ത്ര പണ്ഡിതനായ എ പി കലന്തന്‍ മുസ്ലിയാരായിരുന്നു പിതാവ്. ഭാര്യ: സഫിയ ശാദുലി, മക്കള്‍: മുനീര്‍, അബ്ദുല്‍കരീം, അഷ്‌റഫ്, സാബിറ, സാജിത, സൗദ.തസീറ.