കൊവിഡ്: കോഴിക്കോട്ട് ആശുപത്രികളില്‍ 64 ശതമാനം കിടക്കകള്‍ ഒഴിവ്

കോഴിക്കോട്: ജില്ലയിലെ 65 കൊവിഡ് ആശുപത്രികളില്‍ 64 ശതമാനം കിടക്കകള്‍ ഒഴിവുണ്ടെന്ന് അധികൃതര്‍. 3,460 കിടക്കകളില്‍ 2,216 എണ്ണം ഒഴിവുണ്ട്. 159 ഐസിയു കിടക്കകളും 37 വെന്റിലേറ്ററുകളും ഓക്‌സിജന്‍ ലഭ്യതയുള്ള 675 കിടക്കകളും ഒഴിവുണ്ട്. 17 ഗവ. കൊവിഡ് ആശുപത്രികളിലായി 811 കിടക്കകള്‍, 62 ഐസിയു, 22 വെന്റിലേറ്റര്‍, 397 ഓക്‌സിജന്‍ ഉള്ള കിടക്കകളും ബാക്കിയുണ്ട്. 14 സിഎഫ്എല്‍ടിസികളിലായി 1,710 കിടക്കകളില്‍ 1,316 എണ്ണമാണ് ബാക്കിയുള്ളത്. നാല് സിഎസ്എല്‍ടിസികളിലായി ആകെയുള്ള 630 കിടക്കകളില്‍ 443 എണ്ണം ഒഴിവുണ്ട്. 87 ഡോമിസിലറി കെയര്‍ സെന്ററുകളില്‍ ആകെയുള്ള 2,558 കിടക്കകളില്‍ 1,943 എണ്ണം ഒഴിവുണ്ട്.

covid: Hospital beds in Kozhikode