ഇന്ധന വില വര്ധനവ്: പെട്രോള് വാങ്ങാന് മഷിക്കുപ്പിയുമായി എസ്എസ്എഫ് പ്രതിഷേധം
കടയ്ക്കല്: അനിയന്ത്രിതമായ ഇന്ധന വിലവര്ധനവിനെതിരേ വേറിട്ട പ്രതിഷേധവുമായി എസ്എസ്എഫ്. പെട്രോള് വാങ്ങാന് മഷിക്കുപ്പിയുമായി പ്രവര്ത്തകരെത്തിയാണ് എസ്എസ്എഫ് പ്രതിഷേധിച്ചത്. എസ്എസ്എഫ് ചടയമംഗലം ഡിവിഷന് കമ്മിറ്റിയുടെ നേതൃത്വത്തില് കടയ്ക്കല്, അഞ്ചല്, ഓയൂര് ഇന്ധന വില്പ്പന കേന്ദ്രങ്ങളില് പ്രക്ഷോഭം സംഘടിപ്പിച്ചു. ജനങ്ങളെ വിഷയത്തില് കൂടുതല് ബോധവാന്മാരാക്കുകയും പ്രതികരിക്കാന് പ്രാപ്തരാക്കുകയുമാണ് വ്യത്യസ്ത പ്രതിഷേധം കൊണ്ട് പ്രധാനമായും ലക്ഷ്യമാക്കുന്നത്. 'പെട്രോള് വാങ്ങാന് മഷിക്കുപ്പിയുമായി ക്യൂ നില്ക്കുന്നു' എന്ന മുദ്രാവാക്യം ഉയര്ത്തിയാണ് പമ്പുകള്ക്ക് മുന്നില് പ്രക്ഷോഭം സംഘടിപ്പിച്ചത്.
ജനങ്ങള് കൊവിഡ് പ്രതിസന്ധിയില് പ്രയാസമനുഭവിക്കുന്ന സാഹചര്യത്തില് രാജ്യാന്തര വിപണിയില് ക്രൂഡ് ഓയില് വില കുറഞ്ഞിട്ടും കേന്ദ്രസര്ക്കാര് ഇന്ധന വില കുത്തനെ കൂട്ടി ജനങ്ങളെ ബുദ്ധിമുട്ടിക്കുകയാണ്. ഇങ്ങനെ രാജ്യം മുന്നോട്ട് പോയാല് വറുതിയിലേക്ക് എടുത്തെറിയപ്പെടലാവും അനന്തര ഫലമെന്ന ബോധ്യത്തില് നിന്നാണ് എസ്എസ്എഫ് പ്രക്ഷേഭം സംഘടിപ്പിച്ചത്. കേരളവ്യാപകമായി ആയിരത്തോളം കേന്ദ്രങ്ങളിലാണ് പ്രതിഷേധ പരുപാടികള് സംഘടിപ്പിച്ചത്. എസ് എസ് എഫ് ഡിവിഷന് പ്രസിഡന്റ് അനസ് ജൗഹരി കലയപുരം, അല്ത്താഫ് ഹിഷാമി മടത്തറ, സിനാന് ജൗഹരി ചിതറ, അമീന് ജൗഹരി അഞ്ചല്, തൗഫീഖ് മുസ്ല്യാര്, മുഹമ്മദ് മുസ്ല്യാര് ഓയൂര്, സിദ്ധീഖ് മുസ്ല്യാര് തുടങ്ങിയ നേതാക്കള് പ്രതിഷേധ സമരത്തില് സംസാരിച്ചു.
Fuel price hike: SSF protests with ink bottle to buy petrol
RELATED STORIES
ലോക്സഭാ തിരഞ്ഞെടുപ്പ്; പരസ്യ പ്രചാരണത്തിന്റെ അവസാന...
23 April 2024 5:57 AM GMTകള്ളവോട്ടിന് ശ്രമിച്ചാല് കര്ശന നടപടി; മുഖ്യ തിരഞ്ഞെടുപ്പ് ഓഫീസര്...
23 April 2024 5:53 AM GMTകൊവിഡ് വാക്സിന് എന്ന് തെറ്റിദ്ധരിപ്പിച്ച് ഒറ്റയ്ക്ക് താമസിക്കുന്ന...
23 April 2024 5:51 AM GMTതായ്വാനില് ഒറ്റരാത്രിയില് 80ലേറെ ഭൂചലനങ്ങള്
23 April 2024 5:28 AM GMTആഘോഷങ്ങളെ ആര്എസ്എസ് വല്ക്കരിക്കുന്നത് ആപല്ക്കരം: തുളസീധരന്...
22 April 2024 5:02 PM GMTവിവാഹത്തിനു പോയി മടങ്ങിയ മാതാവും മകളും ട്രെയിനിടിച്ച് മരിച്ചു
22 April 2024 3:13 PM GMT