അനര്ഹമായി റേഷന് കൈപ്പറ്റുന്നവര്ക്കെതിരേ കര്ശന നടപടി
അര്ഹരായ മുഴുവന് പേര്ക്കും റേഷന് ഭക്ഷ്യധാന്യങ്ങള് ഉറപ്പാക്കുന്നത് വരെ അനര്ഹരായവരെ കണ്ടെത്താനാണ് തീരുമാനം.
9 July 2020 9:17 AM GMT
കാസര്ഗോട്: അന്ത്യോദയ അന്നയോജന, മുന്ഗണന(പിങ്ക്) (മഞ്ഞ) കാര്ഡുകളില് അനര്ഹമായി റേഷന് വിഹിതം കൈപ്പറ്റുന്നവരില് നിന്നും കാര്ഡുകള് പിടിച്ചെടുത്ത് ഇതുവരെ വാങ്ങിയ ഭക്ഷ്യധാന്യങ്ങളുടെ കമ്പോളവില ഈടാക്കി പ്രോസിക്യൂഷന് നടപടികള് ആരംഭിച്ച് ജില്ലാ സിവില് സപ്ലൈസ് വകുപ്പ്. ജില്ലയില് പട്ടിണിപ്പാവങ്ങള്ക്ക് ലഭിക്കേണ്ട റേഷന് അരി,ഗോതമ്പ്,പഞ്ചസാര എന്നിവ ചിലര് അനര്ഹരായി കൈപ്പറ്റുന്നുണ്ടെന്ന് പരാതികള് വകുപ്പിന് ദിനംപ്രതി ലഭിച്ചുകൊണ്ടിരിക്കുന്ന സാഹചര്യത്തിലാണ് നടപടി. അര്ഹരായ മുഴുവന് പേര്ക്കും റേഷന് ഭക്ഷ്യധാന്യങ്ങള് ഉറപ്പാക്കുന്നത് വരെ അനര്ഹരായവരെ കണ്ടെത്താനാണ് തീരുമാനം. അനര്ഹമായി കൈവശം വെച്ചിരിക്കുന്ന മുഴുവന് മഞ്ഞ, പിങ്ക് കാര്ഡ് ഉടമകളും ജൂലായ് 18 നകം ബന്ധപ്പെട്ട താലൂക്ക് സപ്ലൈ ഓഫിസുകളില് ചെന്ന് പൊതുവിഭാഗത്തിലേക്ക് മാറ്റി വാങ്ങി നിയമനടപടികളില് നിന്നും ഒഴിവാക്കേണ്ടതാണ്. അല്ലാത്തപക്ഷം താലൂക്ക് സപ്ലൈ ഓഫീസര്മാര്, റേഷനിങ് ഇന്സ്പെക്ടര്മാര് എന്നിവരടങ്ങിയ സ്ക്വാഡ് വീടുകളില് നേരിട്ട് ചെന്ന് കാര്ഡ് പിടിച്ചെടുക്കുന്നതും നിയമനടപടികള് സ്വീകരിക്കുന്നതുമാണെന്ന് ജില്ലാ സപ്ലൈ ഓഫിസര് വി.കെ.ശശിധരന് അറിയിച്ചു.
Next Story
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
