എസ് ഡിപിഐ ജനകീയ പ്രചാരണം: മണ്ഡലം ജാഥ ആരംഭിച്ചു

തളങ്കര: ധ്രുവീകരണ രാഷ്ട്രീയത്തിനെതിരേ ജനകീയപ്രചാരണം എന്ന മുദ്രവാക്യത്തില്‍ എസ് ഡിപിഐ ജില്ലാ ജനറല്‍ സെക്രട്ടറി ഖാദര്‍ അറഫ നയിക്കുന്ന കാസര്‍കോട് മണ്ഡലം കമ്മിറ്റി സംഘടിച്ച മണ്ഡലം പ്രചാരണം എസ് ഡിപിഐ മുന്‍ ജില്ലാ പ്രസിഡന്റ് എം എ ഷാഫി പതാക കൈമാറി തളങ്കരയില്‍ ഉദ്ഘാടനം ചെയ്തു. മാര്‍ച്ച് 3, 4, 5 തിയ്യതികളിലായി നടക്കുന്ന പ്രചാരണം കവലകളില്‍ പ്രസംഗവും പദയാത്രയുമായാണ് നടക്കുന്നത്.

രാഷ്ട്രീയസംവാദങ്ങള്‍ക്കു പകരം വര്‍ഗീയധ്രുവീകരണ ചര്‍ച്ചകളിലേക്ക് കേരള ജനതയെ തള്ളിവിടാനുള്ള ആസൂത്രിത ശ്രമങ്ങളെ ചെറുത്തു തോല്‍പ്പിക്കണമെന്ന് ജാഥ ഉദ്ഘാടനം ചെയ്ത് എം എ ഷാഫി പറഞ്ഞു. ജില്ലാ കമ്മിറ്റി അംഗം എ എച്ച് മുനീര്‍ അധ്യക്ഷത വഹിച്ചു. മണ്ഡലം പ്രസിഡന്റ് സകരിയ്യ കുന്നില്‍ പ്രമേയപ്രഭാഷണം നടത്തി. ജാഥാ ക്യാപ്റ്റന്‍ ഖാദര്‍ അറഫ, മണ്ഡലം സെക്രട്ടറി ഗഫൂര്‍ നായന്‍മാര്‍മൂല, മണ്ഡലം ഖജാഞ്ചി മുഹമ്മദ് കരിമ്പളം, മുനിസിപ്പല്‍ പ്രസിഡന്റ് നൗഫല്‍ നെല്ലിക്കുന്ന് സംസാരിച്ചു.